The Athletic-ის ინფორმაციით, ლეგენდარულმა ბრაზილიელმა ფორვარდმა რონალდომ კლუბ "კრუზეიროში" თავისი წილი კომპანია BPW Sports-ს მიჰყიდა. "კიჭამ" "კრუზეიროს" საკონტროლო პაკეტი (90%) 2021 წელს მისი კომპანიის, Tara Sports Brasil-ის მეშვეობით, 70 მილიონ დოლარად შეიძინა.
ყოფილი თავდამსხმელის ხელმძღვანელობით, კლუბი ბრაზილიის უმაღლეს დივიზიონში, სერია A-ში დაბრუნდა და 195 მილიონი დოლარის ვალი გადაიხადა.
აღსანიშნავია, რომ რონალდო კლუბის დირექტორთა საბჭოში მუშაობას გააგრძელებს.
მან პროფესიული კარიერა "კრუზეიროში" 1993 წელს დაიწყო. უკვე ერთი წლის შემდეგ ბრაზილიელი პსვ-მ შეიძინა.
![როდრიგოს რონალდოსთან შეხვედრისას ხელი აუკანკალდა - მომენტი, როდესაც შენს პირად გმირს ხვდები [VIDEO]](/pictures/image7/cf903bfbe45e391b0966fb37bbd5ba06.jpg "როდრიგოს რონალდოსთან შეხვედრისას ხელი აუკანკალდა - მომენტი, როდესაც შენს პირად გმირს ხვდები [VIDEO]")
