ესპანურ მედიაში "ვალენსიას" მეკარის, გიორგი მამარდაშვილის შესახებ ჭორები არ წყდება და მას ყველაზე აქტიურად "ნიუკასლს" უკავშირებენ.ერთი შეხედვით, ამაში უცნაური არაფერია, რადგან "კაჭკაჭების" "მამარდას" მიმართ დაინტერესებაზე ბრიტანული გამოცემებიც აქტიურად იუწყებოდნენ.
ესპანური Relevo-ს ინფორმაციით, "ნიუკასლის" ბორდსა და მთავარ მწვრთნელ ედი ჰაუს შორის ამ საკითხზე აზრთა სხვადასხვაობაა. ინგლისელ მწვრთნელს გუნდში "არსენალის" კარის დარაჯის, აარონ რამსდეილის მიწვევა სურს. "მეთოფეების" მეკარემ მიმდინარე სეზონში ძირითად შემადგენლობაში ადგილი დაკარგა და კლუბის დატოვება გადაწყვეტილი აქვს.
"ნიუკასლის" ბორდისთვის კი მეკარის პოზიციაზე ნომერ პირველი სამიზნე გიორგი მამარდაშვილია. "ღამურების" რთული
გამოცემა ირწმუნება, რომ ესპანური კლუბი "მამარდას" მინიმუმ 35 მილიონი ევროს სანაცვლოდ შეელევა, "არსენალი" კი რამსდეილში 30 მილიონ ევროს მოითხოვს.
ჯერჯერობით უცნობია, თუ რა გადაწყვეტილებას მიიღებს "ნიუკასლი", თუმცა, ნიკ პოუპის ხშირი ტრავმიანობის გათვალისწინებით, ეჭვგარეშეა, რომ ზაფხულის სატრანსფერო ფანჯარაზე"კაჭკაჭები" ახალ კარის დარაჯს აუცილებლად დაიმატებს.
![alt](/pictures/image50/1387f38206c1da4e4261cc4420593b03.jpg ""მწვრთნელს რამსდეილი, ბორდს კი მამარდაშვილი სურს" - ესპანური გამოცემა "ნიუკასლში" მომხდარ უთანხმოებაზე წერს")
გაირკვა, რა თანხას მოსთხოვს "ვალენსია" მამარდაშვილში "ნიუკასლს" - ქართველი ბარახამ შეაქო
