"თუ კონტე ამას გააკეთებს, "ნაპოლი" ბევრ გოლს გაუშვებს" - ფედელემ "პარტენოპეი" გააფრთხილა

"პარმას" ყოფილმა სპორტულმა დირექტორმა და საფეხბურთო აგენტმა ენრიკო ფედელემ Radio Marte-სთან ინტერვიუში "ნაპოლის" შესახებ ისაუბრა.

მისი თქმით, თუ ანტონიო კონტე დაცვის ფლანგებზე დი ლორენცოსა და სპინაცოლას დააყენებს, "ნაპოლი" მეტოქისგან ბევრ გოლს გაუშვებს.

"დაცვის ხაზში "ნაპოლის" ხარვეზები თვალსაჩინოა, კონტეს ფორვარდები ზედმეტად წინ თამაშობენ, ისევე როგორც ფლანგის მცველებს - დი ლორენცოსა და სპინაცოლას. ამის გამო უკან ზონები თავისუფალი დარჩება და "ნაპოლი" ბევრ გოლს გაუშვებს.

ვინ აიღებს დაცვით სამუშაოებს საკუთარ თავზე? კვარაცხელიასთან, პოლიტანოსთან და ლუკაკუსთან ერთად "ნაპოლი" 3 შემტევით შეუტევს, მათ კი დი ლორენცო და სპინაცოლა დაეხმარებიან. ეს ძალიან სარისკოა", - განაცხადა ფედელემ.

შეგახსენებთ, ფაბრიციო რომანოს ცნობით, რომელუ ლუკაკუ "ნაპოლის" შეთავაზებას ელოდება, თუ "პარტენოპეი" ვიქტორ ოსიმენს გაასხვისებს, მაშინ ბელგიელი კარიერას "პარტენოპეის" რიგებში გააგრძელებს.

"დარწმუნებული ხართ, რომ ეს სიმართლეა?" - ფედელემ "კვარაზე" ისაუბრა

ფედელე: ხალხს ნუ ვატყუებთ, კონტე "ნაპოლის" სკუდეტოს ვერ მოაპოვებინებს

"სწორედ ამის გამო უნდა გაყიდოთ კვარაცხელია!" - ფედელემ "ნაპოლის" ქართველის შესახებ რჩევა მისცა და ხვიჩას გასხვისების მიზეზი დაასახელა