უკრაინის ფეხბურთის ფედერაციის პრეზიდენტი ანდრეი შევჩენკო ადგილობრივ ჟურნალისტებს შეხვდა და ნაკრების სამომავლო მიზნებზე ესაუბრა. ყოფილმა ფორვარდმა ეროვნული გუნდის მოქმედ მწვრთნელ სერგეი რებროვს სრული მხარდაჭერა გამოუცხადა და აღნიშნა, რომ მათი მიზანი 2026 წლის მუნდიალზე გასვლაა.
ინფორმაციისთვის, უკრაინა ერთა ლიგის B ჯგუფში ჩვენი მეტოქეა და საქართველოს გარდა, ალბანეთთან და ჩეხეთთან ერთად იასპარეზებს.
"მინდა, პირადად ჩემგან და ასოციაციის მხრიდან მწვრთნელსა და მის სტაფს სრული მხარდაჭერა გამოვუცხადო. ჩავატარეთ სანაკრებო კომიტეტის სხდომა, განვიხილეთ ბევრი საკითხი და ვიცით, სად მივდივართ. არის შეცდომები და ჩვენ განვიხილეთ, რა
ბევრი კარგი სამუშაო გაკეთდა. ეროვნული ნაკრებისთვის და ასოციაციისთვის მინდა განვსაზღვრო შემდეგი მიზნები. სექტემბერში ვიწყებთ ახალ ორწლიან ციკლს, რაც ჩვენთვის მნიშვნელოვანი იქნება. მთავარი მიზანი მსოფლიო ჩემპიონატზე გასვლაა ან შესარჩევი ტურნირის მეშვეობით, ან ერთა ლიგის მეშვეობით. მთავარი იქ მოხვედრაა", - განაცხადა შევჩენკომ.
