"ვანდას ჩემს ქმართან ეძინა და შემდეგ მათი ფოტოები გამომიგზავნა..." - იკარდის მეუღლე ყოფილ თანაგუნდელთან ღალატობდა ეს ამბავი ამ ფეხბურთელის ცოლმა მოჰყვა

ფეხბურთელ კეიტა ბალდეს ყოფილმა მეუღლემ სიმონე გუატიერიმ Mitre Live-ს ინტერვიუ მისცა, სადაც დაადასტურა ამბავი, რომ ვანდა ნარასა და მის ყოფილ ქმარს ურთიერთობა ჰქონდათ. აღნიშნულის შესახებ ჭორები ჯერ კიდევ 2023 წელს გავრცელდა. იკარდი და კეიტა 2018/19-წლების სეზონში "ინტერში" თანაგუნდელები იყვნენ. 

გუატიერის მონათხრობიდან ირკვევა, რომ ღალატის შესახებ თავად ნარას მეუღლემაც იცოდა და უფრო მეტიც, ეს ინფორმაცია სწორედ "გალათასარაის" ამჟამინდელი ფორვარდისგან გაიგო.

"2022 წლის მაისში დავქორწინდი და მეგონა სიზმარში ვცხოვრობდი, თუმცა რეალობა სრულიად სხვა აღმოჩნდა. ორი თვის შემდეგ ვანდა ნარას მეუღლემ დამირეკა და მითხრა, რომ მის სახლში ჩემი ქმარი და მისი ცოლი ერთმანეთს შეხვდნენ, ამის მტკიცებულება კი სახლში დაყენებული კამერებით ჰქონდა.

დაახლოებით, საათ ნახევრის შემდეგ ვანდასა და ჩემს მეუღლეს დავურეკე, რადგან სიტუაციაში გავრკვეულიყავი, მაგრამ სწორედ აქ მოხდა ნამდვილი საშინელება.

ნარამ მითხრა, რომ ჩემს ქმარს დუბაიში რამდენიმე დღე ახლდა, მან ასევე გამომიგზავნა მათი ერთობლივი ფოტოები და მინაწერები.

ქალს, რომელსაც ჩემს ქმართან სძინავს და შემდეგ ფოტოებს მიგზავნის, არ ვიცი რა დავარქვა! მეტ დეტალს აღარ გეტყვით, რადგან საშინელებაა", - ამბობს ბალდეს ყოფილი მეუღლე სიმონე გუატიერი.