ყველაზე საოცარი აცილება მსოფლიოში [VIDEO]

ძალიან მაგარ ისტორიას მოგიყვებით. 60-70-იანების მიჯნაზე ენძელას თასი მოიგონეს, სეზონის დაწყებამდე იმართებოდა. ამბობდნენ გამარჯვებულს უეფას (ბაზრობის) თასზე გავუშვებთო შემოდგომაზე. ნახევარფინალში ქუთაისის ტორპედომ დინამოს სტადიონზე პენლებით მოუგო ნეფთჩის (მაშინაც 5-5-ს ურტყამდენ, მხოლოდ ჯერ 1 გუნდი 5-ს, მერე მეორე), მახსოვს ტორპედომ 5-ვე მარჯვენა დაბალ კუთხეში გაიტანა, ერთი პენალი, მგონი სწორად მახსოვს, რევაზ ძოძუაშვილმა. ფინალში მოსკოვის დინამოც გავიდა. თუ ჩვენ დინამოს მოსკოველ თანაკლუბელებთან ყველაზე ცუდი ბალანსი ქონდა საკავშირო ჩემპიონატის ისტორიაში, ქუთაისელები თითქმის ყველგან უგებდნენ. მთელი საქართველო ელოდება ფინალს, რომელიც ასევე თბილისში დინამოზე უნდა ჩატარდეს. გამოვიდნენ გუნდები და საოცრება - მოსკოვის დინამო სულ დუბლებითაა წარმოდგენილი, თურმე არ ელოდნენ რომ ფინალში გავიდოდენ და ტურნე აქვთ დაგეგმილი იაპონიაში (აპა რომელი ჭკუათმყოფელი არ წავიდოდა მაშინ იაპონიაში?!). ჰოდა ქართველებს, როგორც გვჩვევია, თავში აგვივარდა, ძირითადს ვუგებთ, ამათ ხომ შევჭამთო. ჰოდა 0-1 ვაგებთ (საერთოდ მაშინ უცნობმა ბავშვმა ლარინმა - მომავალში ცნობილმა ფეხბურთელმა, გაგვიტანა). მართლა რომ შეაჯდა ტორპედო, და აი, ბოლო წუთიც, მარჯვენა ფრთიდან კარის ხაზის გასწვრივ გამჭოლი პასი ("პრასტრელი") და ჯუმბერ ხაჟალიამ, პრაქტიკულად კარის ხაზიდან მოახერხა ბერთის ზედა ძელის ზევით გაგზავნა. ასე რომ, კანთელაძე-ჩელებაძემდე ასეთი სასწაული აცილება მაქვს ნანახი, და მახსოვს...

ამას თავად ლეგენდარული ლადო დვალიშვილიც კი 99%-ით გაიტანდა :)