დღეს, 14 თებერვალს, ჩემპიონთა ლიგის 1/8-ფინალური ეტაპის ორი შეხვედრა გაიმართა. ფრანგულმა პსჟ-მ საკუთარ მოედანზე ჩემპიონთა ლიგის ერთ-ერთ ფავორიტ "ბარსელონას" უმასპინძლა და მეტოქე ანგარიშით 4:0 გაანადგურა.პარიზელებმა მატჩი ძალიან აქტიურად დაიწყეს, არც პრესინგს მოერიდნენ და ამან შედეგი გამოიღო - მატჩის მე-18 წუთზე სტუმართა კარში ჯარიმა დაინიშნა, ანხელ დი მარიამ კი ბრწყინვალე დარტყმით ანგარიში გახსნა.
გატანილი გოლის შემდეგ პარიზელებმა შეტევები გააგრძელეს და პირველ ტაიმში მეტოქეს კიდევ ერთი გოლი გაუტანეს - მარკო ვერატის გადაცემით მასპინძელთა უპირატესობა ორამდე იულიან დრაქსლერმა გაზარდა. ტაიმი ასეც დასრულდა.
გუნდებს შორის განმეორებითი მატჩი ბარსელონაში 8 მარტს გაიმართება.
