მადრიდის "რეალის" მთავარმა მწვრთნელმა ზინედინ ზიდანმა მიუნხენის "ბაიერნთან" (4:2) ჩემპიონთა ლიგის საპასუხო მეოთხედფინალური მატჩის შემდეგ კომენტარი გააკეთა."დღეს რონალდომ აჩვენა, რომ საკვანძო მომენტებში გუნდის გადარჩენა შაუძლია. ის მატჩის ბედს წყვეტს. როცა საჭიროა, ის ყოველთვის მოწოდების სიმაღლეზეა. რონალდო უნიკალური ფეხბურთელია.
კრიშტიანოს სურდა 3:2-ზე შეგვეცვალა, მაგრამ კროოსს პრობლემები აღმოაჩნდა და ამიტომ ტონი შევცვალეთ.
არ ვიცი, უნდა შემოვიღოთ თუ არა ვიდეოტექნოლოიგები. მსაჯების სამუშაო ძალიან რთულია. ყველა დეტალი არ მესმის, რომელიც სამსაჯო საქმიანობას ეხება. მითხრეს, რომ "ბაიერნის" მეორე გოლი ასევე თამაშგარედან გავიდა. ამიტომ ორივე
6 გოლი, რომელიც გავიტანეთ ორ მატჩში, დაგვეხმარა, შემდეგ ეტაპზე გავსულიყავით. არბიტრების გადაწყვეტილება მეორე ყვითელზე და გოლზე თამაშგარედან არაფერ შუაშია. ფეხბურთში არავის უმართლებს. ორივე მატჩში უნდა მოიგო.
ვფიქრობ, ეს იყო ყველაზე რთული მატჩი "რეალში" ჩემი საქმიანობის განმავლობაში. "ბაიერნი" ჩვენზე ზეწოლას ახდენდა, მაგრამ ჩვენ გავუძელით და სიმშვიდე შევინარჩუნეთ.
გვქონდა მომენტები, როცა გატანა შეგვეძლო, მაგრამ ეს ვერ მოვახერხეთ. არავინაა დაზღვეული არასწორი მოქმედებებისგან და მეტოქემ ამით ისარგებლა.
ანჩელოტისთან მსაჯობაზე ვისაუბრეთ, ის უკმაყოფილო იყო. არ ვაპირებ, თქვენთან არბიტრების სამუშაო განვიხილო. მათ რთული სამუშაო აქვთ", - თქვა ზიდანმა.
- ჩემპიონთა ლიგა. 1/4-ფინალი: რონალდოს ჰეთ თრიკი და 100 გოლი ლიგაზე [VIDEO]
მომზადებულია AS-ის, L’Equipe-ისა და ESPN-ის მიხედვით
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
ესპანეთის ფედერაცია, რომ კბილებით მიათრევს რეალს ჩემპიონებისკენ, ეს ცხადზე უცხადესი; მაგრამ UEFA-ც თუ ასე მიათრევდა, ნამდვილად არ მეგონა. პირველ რიგში ფეხბურთი ზარალდება ასეთი მატჩებით; და არც ამ დიდ კლუბს არ მატებს არაფერს ასეთი ნაჩუქარი გამარჯვებები.
ისე საღოლ რეალის ფეხბურთელები, ნამდვილი პროფესიონალები არიან, პრაქტიკულად არ უზეიმიათ ეს უღირსი გამარჯვება, იქით ამშვიდებდნენ ბაიერნის მოთამაშეებს; ყოჩაღ, კაცები ხართ!!!