გოლთაცვენა "დინამო არენაზე" [VIDEO]

16 ივლისს ევროთასებზე თბილისის "დინამო" ჩაერთო. საქართველოს ჩემპიონმა ჩემპიონთა ლიგის II საკვალიფიკაციო რაუნდის ეგიდით ფარერების კუნძულების "სტრეიმური" მიიღო და 6:1 გაანადგურა.

პირველი ტაიმი თავიდან ბოლომდე ქართველთა უპირატესობით წარიმართა, თუმცა აშკარა საგოლე მომენტების მიუხედავად, 39-ე წუთამდე ანგარიში ვერ გაიხსნა.

გოლი სუფთა ესპანური გამოდგა - ჩისკომ მარცხენა ფრთიდან ჩააწოდა და მცველმა უსტარიცმა თავურით გაიტანა - 1:0.

ამას მოჰყვა მეტად კურიოზული გოლი "დინამოს" კარში. 42-ე წუთზე დარკო გლიშიჩმა "დინამოს" ცარიელი კარი დალაშქრა, არადა, გლიშიჩი "დინამოს" ლეგიონერია - 1:1.

"დინამოს" პასუხი უმალვე შედგა - 43-ე წუთზე ახლო მანძილიდან ჯაბა დვალმა გაიტანა - 2:1.

მეორე ტაიმის 10-წუთიან მონაკვეთში (72-დან 82-მდე) თბილისის "დინამომ" 4 გოლი გაუტანა მეტოქეს და გაანადგურა.

ჯერ ელგუჯა გრიგალაშვილმა ინდივიდუალური ოსტატობის წყალობით 2-გოლიანი უპირატესობით დააწინაურა "დინამო" - 3:1.

75-ე წუთზე გრიგალაშვილის პასით ჩისკომ გაიტანა ახლო მანძილიდან - 4:1.

77-ე წუთზე დებიუტანტმა პატრიკ ვუომ შესანიშნავად იმოქმედა საჯარიმოში - 5:1.

81-ე წუთზე კოტდივუარელმა სადებიუტო მატჩში დუბლი შეასრულა (20 წუთში).


საპასუხო მატჩი ფარერების კუნძულებზე უკვე ფორმალობაა.

დინამო (ნომრების მიხედვით): ლორია, ძარია (23. გრიგალაშვილი), გლიშიჩი, ხმალაძე, კვარაცხელია, სეთურიძე, მერებაშვილი, ჩისკო (88. ხოჭოლავა), დვალი (70. ვუო), უსტარიცი, კვირკველია.