ტურინის "იუვენტუსის" მთავარმა მწვრთნელმა ანტონიო კონტემ სტამბულში, "გალათასარაისთან" 10 დეკემბერს გასამართი ჩემპიონთა ლიგის მატჩის წინ თავის მოლოდინზე ისაუბრა.ტურინელებს B ჯგუფში მეორე ადგილის შესანარჩუნებლად და პლეი-ოფში გასასვლელად თურქეთში არწაგება მართებთ. მარცხის შემთხვევაში, ანტონიო კონტეს შეგირდები ჯგუფში ჩარჩებიან, შემდეგ ეტაპზე კი თურქული გუნდი გავა.
"ეს ჩვენთვის პირველი გადამწყვეტი მატჩი არაა. ამისთანა თამაშები მომავალშიც მრავლად გვექნება. უბრალოდ, ეს შეხვედრა - ერთი მორიგი ნაბიჯია განვითარების გზაზე, რომელსაც ვადგავართ.
ჩვენ საკმაოდ ძლიერ "გალათასარაის" ვეთამაშებით, რომელიც აუცილებლად შეეცდება, საკუთარი მოედნის უპირატესობა გამოიყენოს. არ უნდა ვიფიქროთ
როგორც ყოველთვის, ამჯერადაც გამარჯვებისთვის ვითამაშებთ", - თქვა კონტემ.
აღსანიშნავია, რომ "გალათასარაი", რომელსაც რობერტო მანჩინი წვრთნის, 3-5-2 სქემით თამაშობს, ისევე, როგორც "იუვენტუსი". კონტემ თავის თანამემამულე კოლეგაზეც ისაუბრა:
"მანჩინი ბრწყინვალე სპეციალისტია. "გალათასარაი" საიმედო ხელშია ისევე, როგორც ეს თერიმის დროს იყო.
მანჩინი კლუბში ახლახან მივიდა და როგორც ყველას, მასაც სჭირდება დრო, რომ დამკვიდრდეს კლუბში და გუნდს საკუთარი სათამაშო ფილოსოფია მოარგოს".
ასევე იხილეთ:
ჩემპიონთა ლიგა. ჯგუფური ეტაპი. VI ტურის წინ: ოცნება, რწმენა, ილუზია, ომი...
