ესპანეთის ნაკრების და პორტუგალიური "პორტოს" მეკარე იკერ კასილიასი ჩემპიონთა ლიგაზე ჩატარებული თამაშების რაოდენობით ახალი რეკორდსმენია.გუშინ, 9 დეკემბერს, ჩემპიონთა ლიგის ჯგუფური ეტაპის მე-6 ტურში ლონდონის "ჩელსის" წინააღმდეგ გამართული შეხვედრა ესპანელისთვის 158-ე გამოდგა. ამ მაჩვენებლით იკერი ხავი ერნანდესს დაეწია.
ჩემპიონთა ლიგის მიმდინარე გათამაშებაში 34 წლის მეკარემ 6 შეხვედრა ჩაატარა, სადაც 6 გოლი გაუშვა.
