კატალონიის "ბარსელონას" მთავარმა მწვრთნელმა ლუის ენრიკემ მადრიდის "ატლეტიკოსთან" ჩემპიონთა ლიგის 1/4-ფინალური ეტაპის პირველი შეხვედრის შემდეგ კომენტარი გააკეთა.ბარსელონა-ატლეტიკო 2:1 - ყველაფერი მადრიდში გაირკვევა
შეგახსენებთ, რომ ჩემპიონთა ლიგის 1/4-ფინალური ეტაპის პირველ შეხვედრაში კატალონიელებმა საკუთარ მოედანზე მადრიდის "ატლეტიკოს" უმასპინძლეს და ანგარიშით 2:1 დაამარცხეს.
"დღეს მოედანზე იმ ფეხბურთელებს ვხედავდი, რომლებიც დიდი მონდომებითა და ბრძოლისუნარიანობით გამოირჩეოდნენ. რაც შეეხება ფერნანდო ტორესის გაძევებას, შემიძლია ვთქვა, რომ სამართლიანად გააძევა ის მსაჯმა.
განმეორებითი მატჩი? "ბარსელონა", როგორც ყოველთვის, მხოლოდ მოსაგებად გავა მოედანზე და ეცდება გაიმარჯვოს", - განაცხადა ესპანელმა.
