მიუნხენის "ბაიერნის" მთავარმა მწვრთნელმა ხოსეპ გვარდიოლამ მადრიდის "ატლეტიკოსთან" (0:1) ჩემპიონთა ლიგის ნახევარფინალური მატჩის შემდეგ კომენტარი გააკეთა.- ატლეტიკო-ბაიერნი 1:0 - "ჩოლომ" ბრძოლა მოიგო, ომი გაგრძელდება [VIDEO]
"საპასუხო მატჩში სხვა ტემპში უნდა ვითამაშოთ. მეტოქემ შესანიშნავი გოლი გაიტანა, მაგრამ ეს ჩვენი შეცდომების ხარჯზე მოხდა - ჩემი ფეხბურთელები გაშეშდნენ საულის წინაშე. თუ მეტოქეს გაქცევას და ჯარიმების მოპოვების საშუალებას მივცემთ, მაშინ გაგვიჭირდება. ეს არადამაკმაყოფილებელი შედეგია.
უნდა დავფიქრდეთ, ვის წინააღმდეგ ვთამაშობთ, გავუგოთ "ატლეტიკოს". გოლის გატანა ვერ შევძელით. მეტოქეს კარგი მეკარე ჰყავს და გუნდი თავს კარგად
გუნდები, რომლებიც "ატლეტიკოს" ეთამაშებიან, ცოტა საგოლე მომენტს ქმნიან. ჩვენც რამდენიმე მომენტი გვქონდა.
საულ ნიგესის ოსტატობით აღფრთოვანებული ვარ. მისი თამაში ადრეც მინახავს, ის კარგი ფეხბურთელია, მორიგი დიდი ესპანური ტალანტია.
ახლა ბუნდესლიგის მორიგ შეხვედრას უნდა დაველოდოთ, ხოლო შემდეგ საპასუხო შეხვედრას მივხედავთ. ამ თამაშს კიდევ ერთხელ უნდა ვუყურო, ოღონდ ახლა უფრო დაწყნარებულზე", - თქვა გვარდიოლამ უეფას ოფიციალურ ვებგვერდთან საუბარში.
შეგახსენებთ, რომ საპასუხო მატჩი მიუნხენში 3 მაისს გაიმართება.
![ჩემპიონთა ლიგა. IV ტური: "ბარსელონა" შეუჩერებელია - იტალიური გუნდების წარმატებული სვლა გრძელდება [VIDEO]](/pictures/image7/9aabdb4edc99f3cf31c03002fb06545e.jpeg "ჩემპიონთა ლიგა. IV ტური: \"ბარსელონა\" შეუჩერებელია - იტალიური გუნდების წარმატებული სვლა გრძელდება [VIDEO]")
