უეფა სერიოზულად განიხილავს ჩემპიონთა ლიგის ფორმატის შეცვლის შესაძლებლობას 2018 წლისთვის. ამის შესახებ La Gazzetta dello Sport-ი იუწყება.ავტორიტეტული იტალიური გამოცემის ინფორმაციით, ევროპული ფეხბურთის მმართველმა ორგანომ, შესაძლოა, ანგარიში გაუწიოს წამყვანი ჩემპიონატების კლუბებს და ინგლისს, გერმანიას, იტალიასა და ესპანეთს, კოეფიციენტთა ცხრილის მიუხედავად, ტურნირში გარანტირებული ოთხ-ოთხი ადგილი გამოუყოს.
განიხილება ალტერნატიული ვარიანტიც, რომლის თანახმად, გარანტირებულ ადგილებს წამყვან ჩემპიონატებში საპრიზო ადგილებზე გასული გუნდები მიიღებენ, ხოლო დიდი ისტორიის მქონე კლუბები, უეფას რეიტინგის შესაბამისად, შეჯიბრებაში მიწვევით გამოვლენ.
ჩემპიონთა ლიგის რეფორმირების იდეის აქტიური მხარდამჭერი მიუნხენის "ბაიერნის" სამეთვალყურეო საბჭოს
