"ბარსელონას" ლიდერმა ლიონელ მესიმ შესაძლოა ჩემპიონთა ლიგის ჯგუფური ეტაპის პირველი ტურის მატჩი გამოტოვოს.შეგახსენებთ, რომ 13 სექტემბერს, პირველ შეხვედრაში "ბარსელონა" შინ "სელტიკს" ხვდება.
არგენტინელ ფეხბურთელს საზარდულის მცირე ტრავმა აქვს, რომელიც ურუგვაისთან მატჩში გაუმიზეზდა.
დღეს მესის ვენესუელასთან უნდა ეთამაშა, მაგრამ ის კატალონიაში დაბრუნდა, სადაც სამედიცინო შემოწმება გაიარა.
"ლეოს რეკომენდებული აქვს, უახლოეს რამდენიმე დღეში მსუბუქად ივარჯიშოს. მისი დაბრუნება იმაზე იქნება დამოკიდებული, თუ როგორ განვითარდება ტრავმასთან დაკავშირებული სიტუაცია", - ნათქვამია კლუბის განცხადებაში.
მომზადებულია Sky Sports-ის მიხედვით
