26 მაისს, ელიტრაუნდის მატჩში შოტლანდიისა და საქართველოს 19-წლამდელთა ნაკრებებს შორის, მთავარი მსაჯის მოქმედებებმა ბევრი კითხვა დაბადა. ესპანელმა არბიტრმა ლამის სათადარიგოთა სკამის გარეშე დატოვა საქართველოს ნაკრები. ჩვენმა გუნდმა, რომელმაც მატჩი 9 კაცით ჩაამთავრა, შოტლანდიის ნაკრებთან ანგარიშით 3:1 გაიმარჯვა.
თამაშის შემდეგ კომენტარები გააკეთეს ქართველმა ფეხბურთელებმა, რომლებიც კვლავ დიდი შემართებით არიან განწყობილნი და გულშემატკივარს თავდადებულ ბრძოლას ჰპირდებიან.
იხილეთ ვიდეო
ნიკა კაჭარავა:
"ძალიან რთული მატჩი იყო... მით უმეტეს, მეორე ტაიმში მოედანზე 9 ფეხბურთელი დავრჩით, მაგრამ ჩვენ ბოლომდე ვიბრძოლეთ, ღმერთმაც გადმოგვხედა და ყველაფერი კარგად დამთავრდა.
ავთო ენდელაძე:
"გულშემატკივრები ძალიან დაგვეხმარნენ. როცა ტრიბუნებიდან მხარდაჭერას გრძნობ, ძალები გემატება. ფსიქოლოგიურად ძალიან გაგვამხნევეს. ეს კი ძალიან გვჭირდებოდა, რადგან მოედანზე ნაკლებნი ვიყავით".
ბუდუ ზივზივაძე:
"ჩვენ, ვინც 29 მაისს მოედანზე გავალთ, ყველაფერს გავაკეთებთ, რომ გავიმარჯვოთ და მიზანს მივაღწიოთ. ევროპის ჩემპიონატზე საქართველოს ნაკრები უნდა გავიდეს!"
საქართველოს 19-წლამდელთა ნაკრები გადამწყვეტ მატჩს 29 მაისს ითამაშებს ბელგიის წინააღმდეგ. მოგების შემთხვევაში კი გია ცეცაძის გუნდი ევროპის ჩემპიონატის საგზურს მოიპოვებს. თუმცა, შესაძლებელია, ევროპაზე მოსახვედრად ფრეც გვეყოს.
სფფ-ის პრესსამსახური
ასევე იხილეთ:
გია ცეცაძე: დღეს საქართველოს თავზე დააფურთხეს!
U19. საქართველო-შოტლანდია 3:1 - ძლევაი საკვირველი [VIDEO]
U19. საქართველო - ინგლისი 1:1 - პირველი ფრე და შენარჩუნებული შანსი
!["შენთანა ვარ, ნურაფრის ნუ გეშინია" - ზივზივაძემ საქართველოს ნაკრებში გადაღებული ფოტოს ისტორიები გაიხსენა და "ზღაპრის ბოლო კეთილია" შეასრულა [VIDEO]](/pictures/image7/4d64680208741297beef6615ad9f01d6.png "\"შენთანა ვარ, ნურაფრის ნუ გეშინია\" - ზივზივაძემ საქართველოს ნაკრებში გადაღებული ფოტოს ისტორიები გაიხსენა და \"ზღაპრის ბოლო კეთილია\" შეასრულა [VIDEO]")
