ეროვნული ლიგა. II ტური: "ჩიხურამ" ჩემპიონს სამტრედიაში აჯობა

11 მარტს, საქართველოს საფეხბურთო ჩემპიონატის ეროვნული ლიგის II ტურის დარჩენილი შეხვედრები გაიმართა.

შინ მარცხი იწვნია მოქმედმა ჩემპიონმა "სამტრედიამ", რომელსაც ვიცე-ჩემპიონმა საჩხერის "ჩიხურამ" გიორგი კორიფაძის მიერ გატანილი ერთადერთი გოლით სძლია.

ანგარიში 0:1 დაფიქსირდა გორის სტადიონის ტაბლოზეც, სადაც "დილამ" ბათუმის "დინამოსთან" უმასპინძლა და წააგო. აქ სტუმრებს გამარჯვება იაროსლავ კვასოვმა თამაშის მიწურულს გატანილი გოლით მოუტანა.

ქობულეთში, "ჩელე არენაზე" გამარჯვება იზეიმა ფოთის "კოლხეთმა", რომელმაც თბილისის "საბურთალოს" სამი უპასუხო გოლი გაუტანა. ამ შეხვედრაში დუბლი გიორგი ჯანელიძემ შეასრულა, საბოლოო ანგარიში კი არფანგ დაფემ დააფიქსირა.

მანამდე გამართულ მატჩებს რაც შეეხება, "ლოკომოტივმა" თბილისურ დერბიში "დინამოს" მინიმალური ანგარიშით მოუგო, ხოლო წინა დღეს "შუქურა" და "ტორპედო" დაზავდნენ - 1:1.

- ეროვნული ლიგა. II ტური: "ლოკომოტივმა" თბილისურ დერბიში "დინამოს" მოუგო
- ეროვნული ლიგა. II ტური: "შუქურამ" ქულა "ტორპედოსთანაც" მოიპოვა

ორი ტურის შემდეგ ეროვნული ლიგის სატურნირო ცხრილის სათავეში 6 ქულით თბილისის "ლოკომოტივი" უდგას, მეორე ადგილზე კი "ჩიხურაა" 4 ქულით.

ეროვნული ლიგა. II ტური
11 მარტი
თბილისი. "მიხეილ მესხი"
ლოკომოტივი-დინამო(თბ) 1:0
გოლი: 1:0 ნოდარ ქავთარაძე (57).

სამტრედია. "ეროსი მანჯგალაძე"
სამტრედია-ჩიხურა 0:1
გოლი: 0:1 გიორგი კორიფაძე (67)

ქობულეთი. "ჩელე არენა"
კოლხეთი-საბურთალო 3:0
გოლები: 1:0, 2:0 გიორგი ჯანელიძე (59, 72), 3:0 არფანგ დაფე (81).

გორი. "თენგიზ ბურჯანაძე"
დილა-დინამო (ბთ) 0:1
გოლი: 0:1 იაროსლავ კვასოვი (85).

10 მარტი
სამტრედია. ეროსი მანჯგალაძე
შუქურა-ტორპედო 1:1
გოლები: 1:0 კობა შალამბერიძე (6), 1:1 ბექა ტუღუში (14)