გორის "დილას" ლიდერს, 32 წლის ირაკლი მოდებაძეს მიმდინარე ეროვნულ ჩემპიონატში ჯერ ერთი მატჩიც არ ჩაუტარებია. გავრისკავთ და ვიტყვით: გამოცდილ ფორვარდს ტრავმა რომ არ ჰქონოდა, "დილას" შედეგები გაცილებით უკეთესი იქნებოდა...ამას წინათ, "ლელომ" გაცნობათ, რომ ფეხბურთელმა ტრავმა მოიშუშა. სამწუხაროდ, მოდებაძე შემდეგ ისევ დაშავდა და როგორც "დილას" არაოფიციალური "ფეისბუქგვერდი" გვაუწყებს, მოედანს დაახლოებით ორ კვირაში დაუბრუნდება. მან ვარჯიშზე ძველი ტრავმა გაიმიზეზა.
ახლა ის უკვე ვარჯიშობს ინდივიდუალურად
სხვადასხვა დროს, მოდებაძეს "თბილისში", ზაპოროჟიეს "მეტალურგში", ოდესის "ჩერნომორეცში", რუსთავის "მეტალურგსა" და თბილისის "დინამოშიც" უთამაშია, საქართველოს ნაკრებში კი 4 მატჩი აქვს ჩატარებული.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
