საკლუბო ფეხბურთი რომ დახმარებას საჭიროებდა, არაერთხელ გვითქვამს, მაგრამ მაშინ ამაზე ყურს არავინ იბერტყავდა. ახლა კი ფაქტის წინაშე აღმოვჩნდით - ზოგი კლუბი დაშლის პირასაა, ზოგმაც არ იცის, რა ელის.პრობლემები აქვთ როგორც სახელმწიფო, ისე კერძო კლუბებს. წლობით იყო ეს პრობლემები, მაგრამ არ იყო მიზანმიმართული მოქმედება; იყო სუბსიდიები, მაგრამ არ იყო კონცეფცია.
"ზესტაფონის" პრეზიდენტმა ილია კოკაიამ ახლახან პრესკონფერენცია გამართა და განაცხადა - გუნდს ან გავაძლიერებ, ან დავშლი, ჩემი გადაწყვეტილება იმაზე იქნება დამოკიდებული, თუ რას მოიმოქმედებს სახელმწიფოო (იხილეთ სტატია ვრცლად).
ბოლო წლებში კოკაიამ
კოკაიას პრესკონფერენცია მართლაც აქტუალური გამოდგა. "ზესტაფონის" პრეზიდენტის პოზიცია კი ყურადსაღები უნდა იყოს მთელი რიგი ფაქტორების გამო.
იყო ზესტაფონის "მეტალურგი" და "მარგვეთი", 2004 წელს კი კოკაიამ უმაღლეს ლიგაში შეიძინა ადგილი წყალტუბოს "სამგურალისგან", რომელიც პირველი ლიგიდან კი აღზევდა, მაგრამ ფინანსური პრობლემები ჰქონდა. კოკაია მანამდეც ფეხბურთში საქმიანობდა და აგენტობით გახლდათ დაკავებული.
საფეხბურთო კლუბში ფულის ხარჯვა მან 2004 წლიდან დაიწყო და ცხრა წლის განმავლობაში მნიშვნელოვან წარმატებებსაც მიაღწია: მოიგო საქართველოს თასი (2008) და ორჯერ ჩემპიონობა (2010/11 და 2011/12), "ზესტაფონში" გამოჩნდა ბევრი საინტერესო ფეხბურთელი, კლუბმა რამდენიმე მოთამაშე გაყიდა უკრაინაში, ბოლოს ნიკა გელაშვილის "ბოხუმში" ტრანსფერიდანაც მიიღო თანხა.
მოკლედ, "ზესტაფონი" შემდგარი კლუბი გახდა. კოკაიამ კლუბის ინფრასტრუქტურული პროექტებიც განახორციელა.
არ ვიცი, რამდენი მილიონი დაუჯდა ეს ყველაფერი კოკაიას, მაგრამ მისი დანახარჯები პატივისცემას იმსახურებს. კოკაია რესპექტაბელური კაცი გახდა ქართულ ფეხბურთში.
კოკაია იმითაც არის დასაფასებელი, რომ მისთვის არავის დაუძალებია, საფეხბურთო კლუბი დააფინანსეო - ეს მისი არჩევანი იყო. ასეთ დროს კი რისკი კიდევ უფრო დიდია - ხარჯავ ფულს და არანაირად არ ხარ დაცული, არანაირი პრევენცია და მხარდაჭერა არ გაგაჩნია.
კოკაიამ ამ საქმეს რომ მოჰკიდა ხელი, მაშინ საქართველოს ფეხბურთის ფედერაციის პრეზიდენტი მერაბ ჟორდანია გახლდათ. ქვეყანაში ყველაფერზე ტოტალური კონტროლის დამყარების პოლიტიკა ფეხბურთსაც შეეხო. ჟორდანიაც ჩამოაშორეს ფეხბურთს.
კოკაიამ კარგად აუღო ალღო სიტუაციას და უმცროსი ნოდარ ახალკაცის მხარდამჭერი გახდა - ფედერაციის ახალი პრეზიდენტიც "ზესტაფონის" კაშნეთი დადიოდა. თითქმის ყველა საინტერესო ახალგაზრდა ფეხბურთელი "ზესტაფონში" იყრიდა თავს. ეს კლუბი ჩვენი ასაკობრივი ნაკრებების საბაზო წარმონაქმნი გახდა.
პროექტი დიდად წარმატებული ვერ გამოდგა, თუმცა სარგებელი მაინც მოუტანა "ზესტაფონს", ფეხბურთელების სელექციის მხრივ.
კოკაიას "ზესტაფონში" არ ჩანდა ძლიერი ადმინისტრაციული გუნდი, თითქოს ყველაფერს კოკაია უძღვებოდა. მართვის იმპერატორული სტილი - "ზესტაფონი" დაახლოებით ასეთ მოდელს წარმოადგენდა, რაც აქტივში ვერ ჩაეთვლებოდა კლუბის მფლობელს. "ზესტაფონს" ახლა კი ჰყავს აქტიურად მომუშავე სპორტული დირექტორი, ადრე კი ასე არ იყო.
კოკაია არ იყო ერთადერთი, ვისაც მოსწონდა კლუბის მართვის ასეთი სტილი. ქართული კლუბების სხვა პრეზიდენტებიც მინახავს, ფულის დაზოგვას ასეთნაირად რომ ცდილობენ - ფეხბურთელების, მწვრთნელების და ბურთის დამბერავის მეტი არავინ მჭირდება, მე უკვე ყველაფერი ვიცი ფეხბურთშიო.
არ ვიცი, უმცროსი ახალკაცი ახლაც "ზესტაფონის" კაშნეთი დადის თუ არა გერმანიის ქალაქებში, ის კი ნაღდია, რომ ფეხბურთის ფედერაცია ახლოს უნდა იყოს კლუბების პრობლემებთან და სახელმწიფოსთან ერთად რაღაც კალაპოტი უნდა გამოძებნოს კლუბებისთვის.
კოკაიას ზოგი გადაწყვეტილება თუ განცხადება კრიტიკას იმსახურებს, ზოგიც ძალიან საკამათოა, ზოგიც გაუგებარია, მაგრამ კოკაია ისევ რესპექტაბელურ კაცად რჩება ქართული ფეხბურთისთვის. მან ამ საქმისთვის ძალიან ბევრი გააკეთა.
რესპექტაბელობა მხოლოდ ფულის ხარჯვით არ მოდის. კოკაია ისეთი ბიზნესმენი და პრეზიდენტია, ვისაც მართლა უყვარს ფეხბურთი. ასეთები კი ცოტანი არიან, ასეთებს განსაკუთრებით სჭირდებათ დახმარება და ხელშეწყობა სახელმწიფოსგან...
(იბეჭდება მცირე ცვლილებით)
ყოველდღიური სპორტული გაზეთი "ლელო"
ასევე იხილეთ:
ისევ ილია კოკაია და მორიგი ნაღმი: ამას ვერც წარმოვიდგენდი...
სკანდალი: ქართული ფეხბურთით პროკურატურა "დაინტერესდება"
ილია კოკაია: ახალგაზრდების თამაში კლუბების ინტერესებშია
ილია კოკაია: ზესტაფონში ჩემპიონთა ლიგის ჰიმნი უნდა ჟღერდეს!
სკანდალური განცხადება: საქართველოს ჩემპიონატი "ზესტაფონის" გარეშე?!
"ზესტაფონისა" და "კარპატი-დაუშვილის" სკანდალური საქმე - უკრაინული ვერსია
ბუბა დაუშვილი: ილია კოკაია პრეზიდენტი კი არა, მონათმფლობელია!
"ზესტაფონი" ლვოვის "კარპატის" არაფერს შეარჩენს - დავაში ფიფა ჩაერევა!
ილია კოკაია: ლვოვის "კარპატიმ" ამ თაღლითურ სქემაზე პასუხი უნდა აგოს!
თავსატეხიც იქნება ნაკლები,მაგრამ ტოტალიზატორი?...........