საქმეს კარგი პირი უჩანს - 15-20 მილიონი უმაღლესი ლიგის კლუბებისთვის

AutoSharing Option
ქართულ საკლუბო ფეხბურთს ახალი დინამიკა გაეხსნა. 14 მაისს ეგრეთ წოდებული საბიუჯეტო კლუბების წარმომადგენლები შუადღეს ფეხბურთის ფედერაციას ესტუმრნენ, "დინამო თბილისის" ბაზაზე კი კერძო კლუბების ხელმძღვანელები შეიკრიბნენ.

ფაქტია, რომ ორივე სექტორს ერთი პრობლემა აწუხებს, თუმცა კერძო და საბიუჯეტო კლუბები სხვადასხვა მდგომარეობაში არიან. კერძო კლუბებს შეღავათები სჭირდებათ, საბიუჯეტო კლუბებს კი პირდაპირი დაფინანსება - დაახლოებით ასე დგას საკითხი.

მოკლედ, ამაზე ბევრი ლაპარაკი და წერა შეიძლება, 14 მაისს კი მოვლენები ასე განვითარდა.

ფეხბურთის ფედერაციაში 12 საათისთვის უმაღლესი და პირველი ლიგის საბიუჯეტო კლუბების წარმომადგენლები მივიდნენ, დაახლოებით
ოცდაათი კლუბი მოგროვდა. შეხვედრას ფედერაციის მხრიდან პრეზიდენტი ზვიად სიჭინავა, გენერალური მდივანი რევაზ არველაძე და საპატიო ვიცე-პრეზიდენტი მურთაზ ხურცილავა დაესწრნენ.

შეხვედრის შემდეგ რამდენიმე კითხვა დავუსვით გორის "დილას" მენეჯერ გია ისიანს.

- კონკრეტულად რაზე იყო საუბარი ამ შეხვედრაზე?
- სახელმწიფოს მხრიდან აქტიურობა უნდა იყოს საკლუბო ფეხბურთის დახმარებაზე. სხვათა შორის, შეხვედრაზე რუსთავის "ოლიმპის" წარმომადგენელი აკა ქავთარაძეც მოვიდა. "ოლიმპი" კერძო კლუბია და სასიამოვნო იყო, რომ ამ შეხვედრას დაესწრო. თუ სახელმწიფოს მხრიდან დახმარება არ იქნება, ფეხბურთი აღარ იქნება - ამაზე შევჯერდით.

კლუბებმა თხოვნით მივმართეთ ფეხბურთის ფედერაციას, რომ გვიშუამდგომლოს სახელმწიფოსთან, ჩვენი პრობლემები გააგებინოს და ახლოს მიუტანოს, რომ ფედერაცია კლუბების პარტნიორი იყოს სახელმწიფოსთან ურთიერთობაში.

- დრო არ ითმენს, მიმდინარე სეზონის დასრულებას ბევრი აღარაფერი უკლია, დამდეგი სეზონის წინ კი უმეტესმა კლუბებმა არ იციან, რა ბედი ელით - ამ ყველაფერზე ფეხბურთის ფედერაციის რეაგირება როგორია?
- ფედერაციამ საკუთარი პროექტი წარმოგვიდგინა, რომლის მიხედვით, უმაღლესი ლიგის ყველა კლუბს უნდა მიეცეს ერთი და იგივე სამონაწილეო თანხა. საპრიზო ფონდი კი უკვე სხვა თემაა.

- პირველი ლიგის კლუბებს რა დაფინანსება უნდა ჰქონდეთ?
- ცხადია, ეს კითხვა თვითონ პირველი ლიგის კლუბებმა დასვეს. რადგან უმაღლესი ლიგის კლუბებს გარანტირებულად ექნებათ სამონაწილეო თანხა, პირველ ლიგაში მოასპარეზე გუნდებს მეტი მოტივაცია გაუჩნდებათ უმაღლესში გადასასვლელად და ადგილობრივი მუნიციპალიტეტებიც უფრო აქტიურად დაეხმარებიან გუნდებს. დაახლოებით ასეთი პოზიცია გამოიკვეთა.

- გია ისიანის პროექტს, ალბათ, უკვე ყველა იცნობს - ამ შეხვედრაზე თუ იყო საუბარი ამ პროექტზე?
- ეს პროექტი სამწლიანია და ვფიქრობ, ყველასათვის საყურადღებოა, რადგან ის მოიცავს როგორც საბიუჯეტო, ასევე კერძო კლუბების ინტერესებსაც. ამ პროექტში პირველ ლიგის კლუბების ინტერესებიცაა გათვალისწინებული და რეგიონებში ფეხბურთის განვითარებაც. ხაზი უნდა გავუსვა იმასაც, რომ არასდროს არ გამომირჩევია ერთმანეთისგან კერძო და საბიუჯეტო კლუბები და ყოველთვის მათი კონსოლიდაციის მომხრე ვიყავი.

* * *
14 მაისსვე, 14 საათზე, "დინამო თბილისის" ბაზაზე კერძო კლუბები შეიკრიბნენ. შეხვედრა უცბად ვერ დასრულდა, შეიძლება ითქვას, რომ ღონისძიება ორ რაუნდად გაიწელა. პირველ რაუნდს შესვენება მოჰყვა, მეორე კი 19 საათზე დაიწყო. ფეხბურთის ფედერაციიდან ამ შეხვედრას არავინ დასწრებია.

როგორც სანდო წყარომ გვაცნობა, კერძო კლუბებმაც ფედერაციის იმ პროექტზე იმსჯელეს, რაზეც ამ ორგანიზაციის წარმომადგენლები საბიუჯეტო კლუბების მესვეურებს ესაუბრნენ.

კერძო კლუბებმა ფედერაციის ეს პროექტი განიხილეს. ამ პროექტის მიხედვით, უმაღლესი ლიგის კლუბი ვალდებული იქნება, გაზარდოს ასაკობრივი გუნდების ბიუჯეტი და ქალთა ფეხბურთის გუნდის შექმნაზეც იზრუნოს. რაც უეფას დირექტივაა.

რა თანხას გადასცემს ფედერაცია თანაბრად კლუბებს და ამ თანხას ფედერაციას სახელმწიფო მისცემს თუ არა, ჯერ უცნობია. თუმცა ვარაუდობენ, რომ დაფინანსება სოლიდური იქნება - უმაღლესი ლიგის კლუბებზე 15-20 მილიონი ლარი გადანაწილდებაო.

ერთი სიტყვით, საქმეს კარგი პირი უჩანს...

საქმეს კარგი პირი უჩანს (იბეჭდება მცირე ცვლილებით)
ყოველდღიური სპორტული გაზეთი "ლელო"

ასევე იხილეთ:

დომინოს პრინციპი - ილია კოკაია "ზესტაფონს" არ მიატოვებსო...
საბიუჯეტო კლუბები დაირაზმნენ: სოლიდარობა გორის "დილას"!
გორის "დილას" არავინ მიატოვებს!
ბავშვური ოცნების დასასრული - გორის "დილა" იშლება!
მკითხველის კომენტარები / 6 /
ბაზარი არაა ბავშვთა ფეხბურთს რომ უფრო უნდა მიხედვა, მაგრამ რომ გაიზრდება ის ბავშვი სად მიგყავს დინამო თუ არ იქნა, ტორბედო თუ არ იქნა, ზესტაფონი თუ არ იქნა, დილა თუ არ იქნა... რაც არი ის მაინც უნდა შენარჩუნდეს.
PARFIUMER
16 მაისი 2013 09:45
0
$12 მლ. უშველის ქართულ ფეხბურთს? :) დაცინით ქართულ ფეხბურთს? ქვედა ლიგებმა და საბავშვო სკოლებმა რა დააშავეს? სპორტის სხვა სახეობებმა რა დააშავეს? მაგალითად ჰოკეის ერთი მოედანი არ არის საქართველოში. რომ გამოდიხართ ფეხბურთის სავარძლის ფანატები და მოითხოვთ სახელმწიფო დაეხმაროს ქართულ ფეხბურთს, რამდენი კაცი დადის საქართველოს ჩემპიონატის თამაშებზე? 55 ათასიანი დინამოს სტადიონი ცარიელია ყველა თამაშზე. ერთი თეთრიც არ უნდა დახარჯოს სახელმწიფომ უმაღლეს ლიგაზე. მხოლოდ რეგიონებში ბავშვთა სკოლების შექმნას უნდა მოხმარდეს ეს თანხები. დაიშალონ გუნდები ვისაც პატრონი არ გამოუჩნდება, ის გუნდები დარჩებიან ვისაც პატრონი ყავს. არ იმსახურებს ქართველი გულშემატკივარი უმაღლეს ლიგას რადგან სტადიონზე მისვლა და ორი ლარის გადახდა არ უნდა. ისევ ბავშვთა ფეხბურთს მოხმარდეს ჯობია ეს თანხები.
უძლევი
16 მაისი 2013 06:26
0
არ მესმის, 20 მილიონად უფრო მაგრა ითამაშებენ ისინი, ვინც თანამედროვე ფეხბურთის თამაში არ იციან? ეგ 20 მილიონი ბავშვთა ფეხბურთში ჩადეთ, რომ ფეხბურთის მცოდნეები გაიზარდონ. ფეხბურთი არ იარსებებს თუ ასეთი დონის კლუბებს მოვახმართ სახელმწიფო სახსრებს და თუ ბავშვებს მოვახმართ, აუცილებლად იარსებებს და ძალიან მაგრადაც განვითარდება.
დიტო
15 მაისი 2013 21:48
0
Goga გეთანხმები .. თანაც .. ვინ იცის იქნებ არის ეგეთი, მაგრამ ფეხბურთზე სიარულის საშუალება არა აქვს .. ხოლო თუ განვითარდა ფეხბურთი, მასეთის გამოჩენის შანსიც არსებობს ..
svani
15 მაისი 2013 15:38
0
buxuti - და ფეხბურთი არ გვინდა? მაშინ ნუღა მოვითხოვთ ფეხბურთელებისგან შედეგს, ველოდოთ როდის დაიბადება ქართველი მესი (მესია)...
Goga
15 მაისი 2013 13:48
0
ანუ სახელწიფო მისცემს 20 მილიონს ისეთი ჩემპიონატის შესანახად, რომლის სანახავად ხალხი არ დადის, სავსეა გარიგებული თამაშებით და ტელევიზიაში რომ უშვებენ არავის რეკლამის იქ განთავსება არ უნდა? და ამას ქვია ე.წ. ქართულ ფეხბრურთზე ზრუნვა? უფრო აზრიანად რომ დავხარჯოთ მაგ 20 მილიონი არ შეიძლება, ჩვენი ფულია მანც, მართლა ივანიშვილის ან მით უმეტეს დომენტისი ხომ არ არის.
buxuti
15 მაისი 2013 12:12
0

სიახლეები პოპულარული