10 ივნისს თბილისის "დინამოს" ფეხბურთელების ნაწილი შეიკრიბა და მათ სახელმწიფო სამედიცინო უნივერსიტეტის კლინიკაში სამედიცინო შემოწმება გაიარეს.შემოწმებაზე სულ 13 მოთამაშე გამოცხადდა. ჯერ გუნდში ახალწვეულებზე ლაპარაკს ერიდებიან, თუმცა დანამდვილებით შევიტყვეთ, რომ 10 ივნისს, სხვებთან ერთად, ტესტირებაზე რუსთავის "მეტალურგის" 24 წლის შემტევი ნახევარმცველი გიორგი მიქაბერიძეც გამოცხადდა.
გიორგიმ გასულ სეზონში რუსთავურ კლუბში 24 შეხვედრა ჩაატარა და 2 გოლი გაიტანა.
გავრცელდა ხმები, რომ შესაძლოა, საქართველოს ნაკრებისა და ქუთაისის "ტორპედოს" წევრმა ელგუჯა გრიგალაშვილმაც კარიერა "დინამოში" გააგრძელოს.
ფეხბურთელმა "ლელოსთან"
"გამორიცხული არ არის, "დინამოში" ვითამაშო - მოლაპარაკება მართლაც მიმდინარეობს, მაგრამ ჯერ კლუბები არ შეთანხმებულან და საკითხი გადაწყვეტის პროცესშია.
ასე რომ, არ ვიჩქარებ და ჯერ ვერ ვიტყვი, რომ დინამოელი გავხდი".
23 წლის გრიგალაშვილი შემტევი ნახევარმცველია, გასულ სეზონში 26 მატჩში 6 გოლი გაიტანა, პროგრესი აშკარად დაეტყო და თემურ ქეცბაიამ ეროვნულ ნაკრებში მიიწვია.
თბილისელებს მოედნის ცენტრში პრობლემები აქვთ და ამ პერსპექტიული მოთამაშის დამატება გუნდს მართლაც არ აწყენდა.
ყოველდღიური სპორტული გაზეთი "ლელო"
ასევე იხილეთ:
ელგუჯა გრიგალაშვილი: ძმებს ნაკრებში ერთად თამაში არ გვეღირსა
![ეროვნული ლიგა. IX ტური. "გაგრა" - "დინამო" (თბ) [LIVE]](/pictures/image7/59c49b76a32c416bb8a913c48214c59e.png "ეროვნული ლიგა. IX ტური. \"გაგრა\" - \"დინამო\" (თბ) [LIVE]")
![ეროვნული ლიგა. VIII ტური. "დინამო" (თბ) - "კოლხეთი" [LIVE]](/pictures/image7/561d5ff7131c5b2c63dbc262099c8520.jpg "ეროვნული ლიგა. VIII ტური. \"დინამო\" (თბ) - \"კოლხეთი\" [LIVE]")
![ოქრიაშვილის დაბრუნება - ბათუმის "დინამომ" თბილისის "დინამო" დაამარცხა [VIDEO]](/pictures/image7/fd2a659ebbd43666ba5cdb3b2dce11f8.jpg "ოქრიაშვილის დაბრუნება - ბათუმის \"დინამომ\" თბილისის \"დინამო\" დაამარცხა [VIDEO]")
