21 ივნისს საქართველოს ფეხბურთის ფედერაციის აღმასრულებელი კომიტეტი 28 ივნისს გასამართ, სფფ-ის XXII ყრილობამდე საპროცედურო რეგლამენტის დასამტკიცებლად და სხვა საკითხების განსახილველად შეიკრიბა.აღმასკომის სხდომის დღის წესრიგი ასეთი იყო:
1. სფფ-ის აღმასრულებელ კომიტეტში არსებული ვაკანსიის შევსების შესახებ.
2. სფფ-ის მორიგი XXII ყრილობის საპროცედურო რეგლამენტის დამტკიცების შესახებ.
3. 2013-14 წწ, სალიცენზიო შედეგების შესახებ
4. სხვადასხვა
აღმასკომის ახალი წევრების კანდიდატურები წარადგინეს - საფეხბურთო კლუბმა "დინამო თბილისმა" და ფეხბურთის მუშაკთა პროფკავშირებმა.
ესენი არიან: "დინამოს" პრეზიდენტი რომან ფიფია და ვეტერანი ფეხბურთელი სერგო კუტივაძე.
სწორედ აღმასრულებელი კომიტეტის
ამის შემდეგ აღმასკომმა ყრილობის საპროცედურო რეგლამენტიც დაამტკიცა და 2013-14 წლების სალიცენზიო შედეგები მოისმინა.
აქვე გადაწყდა, რომ იმ გუნდების საკითხი, რომლებსაც ჯერ კიდევ აქვთ გარკვეული პრობლემები და ჩემპიონატში მათი მონაწილეობის საკითხი ჯერ კიდევ ბოლომდე გარკვეული არაა, ვადა მიეცეთ 1 ივლისამდე.
სფფ უმაღლესი ლიგის ყველა კლუბს დაუგზავნის წერილებს და სთხოვს მათ, კიდევ ერთხელ დაადასტურონ ეროვნულ ჩემპიონატში მონაწილეობა.
კლუბებს კი, როგორც უკვე ვთქვით, საბოლოოდ ჩამოსაყალიბებლად და დასაბუთებული პასუხის გასაცემად დრო 1 ივლისამდე აქვთ.
აქვე შეგახსენებთ, რომ საქართველოს ფეხბურთის ფედერაციის მორიგი ყრილობა პარასკევს - 28 ივნისს, სასტუმრო "ჰოლიდეი ინში" გაიმართება.
ყრილობის შემდეგ რამდენიმე დღეში აღმასრულებელი კომიტეტი გადადებული საკითხების განსახილველად ისევ შეიკრიბება.
სფფ-ის პრესსამსახური
