პირველ ლიგაში მორიგი ტურის შეხვედრები გაიმართა. A ზონაში ლიდერებმა პოზიციები განიმტკიცეს: ფოთის "კოლხეთმა" "მეშახტეს" შინ 4:1 სძლია, "შუქურამ" კი "იმერეთს" - 5:0.
ფოთელთა ლიდერმა დათა სიჭინავამ დუბლი შეასრულა, თუმცა ბომბარდირთა დავაში დაწინაურება ვერ მოახერხა, რადგან ქობულეთელთა ერთ-ერთმა ლიდერმა, 21 წლის გიორგი ჩელებაძემ კვლავ გამოიჩინა თავი და ხონელებთან მატჩში დუბლი შეასრულა.
ლეგენდარული რევაზ ჩელებაძის ვაჟმა 11 ტურში 12 გოლის გატანა მოახერხა.
B ზონაში კი ლიდერებიდან ორმა გაიმარჯვა, ორიც დამარცხდა: ბათუმის "დინამომ" შინ ჩოხატაურის "ბახმარო" გაანადგურა - 7:0, ხოლო ხელვაჩაურის "მაჭახელამ" ქედაში
სენსაცია დაფიქსირდა "ბენდელას" სტადიონზე: კონკურენტებთან უპირატესობა ვერც ლიდერმა "სამტრედიამ" შეინარჩუნა - "საბურთალოსთან" 0:5 დამარცხდა.
პირველი ლიგის დებიუტანტმა მეტოქე ყველა კომპონენტში დაჩაგრა, არადა, "საბურთალოს" საკადრო პრობლემები მოეძალა. მართალია, გუნდს შეუერთდნენ 19-წლამდელთა ნაკრებში მყოფი ფეხბურთელები, თუმცა ტრავმირებული დაბრუნდა მეკარე ოთარ გოშაძე, ცენტრალური მცველი ჯემალ ტაბიძე კი დისკვალიფიცირებულია და გუნდს ვერ დაეხმარა; ტრავმას იშუშებს "საბურთალოს" გამოცდილი ნახევარმცველი ზურაბ მენთეშაშვილი, რომელიც ოქტომბრის შემდეგ უქმადაა.
პრობლემებმა გუნდის შედეგზეც იქონია გავლენა - თემურ შალამბერიძის შეგირდებს 12 სექტემბრის შემდეგ არ მოეგოთ.
აღსანიშნავია, რომ 13 ნოემბერს "სასკოსთან" თამაშისთვის გუნდმა 11 მოთამაშეც ვერ შეკრიბა და საბოლოოდ, ფედერაციამ მატჩი გადაუდო.
მართალია, "საბურთალო" მე-9 ადგილზეა, მაგრამ გუნდმა არა მხოლოდ "სამტრედიასთან", არამედ "მაჭახელასა" და "ჭიათურასთანაც" (რომლებიც უმაღლესში გადასასვლელად იბრძვიან) დაპირისპირებებშიც საკმაოდ კარგი შთაბეჭდილება დატოვა.
საქართველოს ჩემპიონატი. I ლიგა
A ზონა
დინამო 2-ადელი 5:2
შუქურა-იმერეთი 5:0
ჩხერიმელა-სქური 5:2
საპოვნელა-მერცხალი 2:0
ალგეთი-კახეთი 3:2
კოლხეთი (ფ) - მეშახტე 4:1
ა გ თ მ ფ წ ბ ქ
1. კოლხეთი (ფ) 11 9 1 1 25-6 28
2. შუქურა 11 8 2 1 36-11 26
3. საპოვნელა 11 8 1 2 21-8 25
4. დინამო 2 12 7 1 4 30-14 22
5. ალგეთი 11 7 1 3 16-9 22
6. მეშახტე 11 5 2 4 21-18 17
7. გაგრა 11 4 5 2 21-12 17
8. ჩხერიმელა 11 4 3 4 17-20 15
9. სქური 11 3 0 8 12-27 9
10. ადელი 11 2 2 7 13-29 8
11. კახეთი 11 2 1 8 10-28 7
12. იმერეთი 11 1 3 7 7-24 6
13. მერცხალი 11 0 2 9 6-29 2
B ზონა
სულორი-დილა 2 1:3
საბურთალო-სამტრედია 5:0
სტუ-სასკო 0:2
სამგურალი-ჭიათურა 2:1
დინამო (ბ)-ბახმარო 7:0
ბეთლემი-მაჭახელა 0:2
ა გ თ მ ფ წ ბ ქ
1. სამტრედია 12 9 1 2 21-11 28
2. მაჭახელა 12 8 3 1 20-5 27
3. დინამო (ბთ) 11 8 1 2 24-8 25
4. ჭიათურა 12 8 1 3 19-13 25
5. სამგურალი 12 6 3 3 25-18 21
6. დილა 2 12 5 2 5 18-22 17
7. სასკო 11 5 1 5 17-12 16
8. ბეთლემი 12 5 1 6 15-15 16
9. საბურთალო 10 4 2 4 18-13 14
10. ლოკომოტივი 12 4 1 7 17-20 13
11. სტუ 12 3 1 8 20-26 10
12. კოლხეთი (ხ) 12 2 3 7 11-28 9
13. ბახმარო 12 0 6 6 9-27 6
14. სულორი 12 1 2 9 6-22 5
ყოველდღიური სპორტული გაზეთი "ლელო"
