ქუთაისის "ტორპედოში" უკრაინელი ფეხბურთელი ანტონ კნიჟნიკი გამოჩნდა. ის 24 წლის მოთამაშეა, ამპლუით კი ნახევარმცველია."დონეცკის "შახტარის" მიერ ვარ გაზრდილი. მერე "პოლტავაში" გადავედი, საიდანაც მოლდოვის ჩემპიონატში, კერძოდ, "ტირასპოლში" აღმოვჩნდი. ისევ უკრაინაში დავბრუნდი და მეორე ლიგის ჩერკასის "სლავუტიჩსა" და სვერდლოვსკის "შახტიორში" ვთამაშობდი.
ჩემი აგენტის დახმარებით, რომელიც დონეცკში მცხოვრები ქართველია, "ტორპედოს" დავუკავშირდი და ვცდილობ, გასინჯვაზე მწვრთნელს თავი მოვაწონო.
უკვე 4 დღეა, რაც გუნდთან ერთად ვვარჯიშობ და დრო მომცეს, რომ აქაურობას შევეჩვიო. ვფიქრობ, აქ არის იმის პირობები, რომ გაიზარდო - კარგი მოედნები, კვება და
"ვიკიპედიას" მივაკითხეთ და აღმოჩნდა, რომ ბოლოს კნიჟნიკი 2012 წელს ჩერკასის "სლავუტიჩში" ირიცხებოდა, სადაც სულ 4 მატჩი ჩაუტარებია. ამის შემდეგ მოედანზე აღარ გამოჩენილა.
თუ უკრაინელი ახალგაზრდა "ტორპედოში" ჩაირიცხება, მის მეტოქეებს სიფრთხილეს ვურჩევთ - თურმე, 5 წელი კარატეში ვარჯიშობდა...
(იბეჭდება მცირე ცვლილებით)
ყოველდღიური სპორტული გაზეთი "ლელო"
