საფეხბურთო მატჩების ჩაწყობის საქმეზე ბრალდებული მსაჯების მორიგი სასამართლო პროცესი თბილისის საქალაქო სასამართლოში 27 ნოემბერს გაიმართება.დღევანდელ წინასასამართლო სხდომაზე სასამართლომ მხარეების მიერ წარმოდგენილი მტკიცებულებების დასაშვებობაზე იმსჯელა და მოსამართლე ვახტანგ მრელაშვილმა ორივე მხარის მიერ წარმოდგენილი ყველა მტკიცებულება სრულიად დასაშვებად ცნო.
ამასთან, დღევანდელ პროცესზე ბრალდებულების - თორნიკე გვანცელაძისა და თეიმურაზ ხუჭუას ადვოკატებმა მოითხოვეს მათი დაცვის ქვეშ მყოფებზე სისხლის სამართლებრივი დევნის შეწყვეტა.
როგორც ადვოკატებმა განმარტეს, პროკურატურის მიერ წარმოდგენილ მტკიცებულებათა ერთობლიობა არ ადასტურებს მათი დაცვის ქვეშ მყოფების ბრალეულობას. მოსამართლემ ხუჭუასა და გვანცელაძის ადვოკატების შუამდგომლობა არ
შემდეგი სასამართლო პროცესი უკვე არსებითი იქნება. ამ საქმეში სულ 8 ბრალდებულია, რომლებსაც აღმკვეთი ღონისძიების სახით პატიმრობა აქვთ შეფარდებული. მსაჯების ნაწილმა დღევანდელ პროცესზე დანაშაული აღიარა, ნაწილმა კი დუმილის უფლება გამოიყენა.
წყარო: interpressnews.ge
ასევე იხილეთ:
სკანდალი ქართულ ფეხბურთში: შსს-მ მოსყიდვის ფაქტზე 8 მსაჯი დააკავა [VIDEO]
ასეა ეს!!!