საქართველო ჩემთვის ტრამპლინია! - 19 წლის უკრაინელი ლეგიონერის მიზანი

AutoSharing Option
ფოტოზე: ნიკიტა იგუმენოვი (მარჯვნივ)

19 წლის უკრაინელი ნახევარმცველი ნიკიტა იგუმენოვი თბილისის "სასკოს" ღირსებას დაიცავს. შესაძლოა, ახალმა ლეგიონერმა შესვენებამდე დარჩენილ საქართველოს პირველი ლიგის ორ ტურში ითამაშოს კიდეც, თუ არა და, სეზონის განახლებისთანავე გუნდს აუცილებლად დაეხმარება.

"უკრაინაში ყოფნის დროს ვნახე იგუმენოვის თამაში და ამ ფეხბურთელმა ჩემზე კარგი შთაბეჭდილება მოახდინა. გადავწყვიტე, მას საქართველოში კარიერის აწყობაში დავხმარებოდი", - გვითხრა იგუმენოვის მენეჯერმა ირაკლი ხვედელიანმა.

საქართველოსა და პოლონეთის ნაკრებთა შეხვედრის შემდეგ იგუმენოვი საქართველოს ეროვნული ჩემპიონატის მორიგი ტურის მატჩზე ("ვიტ ჯორჯია"
-"მეტალურგი") ვნახე და ჩვენი საუბარიც იქ შედგა.

- მოგვიყევით თქვენ შესახებ...
- ოდესის "ჩერნომორეცის" საფეხბურთო სკოლის აღზრდილი ვარ. ოთხი წელი "ჩერნომორეცის" სხვადასხვა ასაკობრივ გუნდში ვთამაშობდი. მერე ვიყავი უკრაინის ჩემპიონატის პირველ ლიგაში - "პოლიტეხნიკაში", "რეალ ფარმასა" და "ოდესაში" ვითამაშე.

- რომელია თქვენი ოპტიმალური სათამაშო ამპლუა?
- ამპლუით მარცხენა ნახევარმცველი ვარ. როგორც ვიცი, გუნდში დაცვაში უნდათ ჩემი გამოყენება. არანაირი პრობლემა - ვითამაშებ იქ, სადაც "სასკოს" დასჭირდება.

- უკრაინიდან საქართველოში ფეხბურთელის ჩამოსვლა, ცოტა არ იყოს, გასაკვირია. რატომ მიიღეთ ერთი შეხედვით უცნაური გადაწყვეტილება?
- საქმე ისაა, რომ უკრაინაში ომია. ეს ერთი; მეორეც, მიმაჩნია, რომ საქართველოში პროგრესის მეტი საშუალება მექნება. ჩემი თანამემამულის მაგალითს მოვიყვან. ის სეზონის დაწყების წინ ქუთაისის "ტორპედოში" ჩაირიცხა, ახლა კი მისით ბუქარესტის "დინამოა" დაინტერესებული. კი, უკრაინის უმაღლესი ლიგა მაღალი დონის ტურნირია, თუმცა საქართველოს ჩემპიონატიდანაც შეიძლება იმ მიზნის მიღწევა, რომელიც დასახული მაქვს.

- და რა არის ეს მიზანი?
- მინდა, ევროპაში ვითამაშო. საამისოდ, ჯერ საქართველოში უნდა ვთქვა ჩემი სიტყვა.

- ჩვენმა ქვეყანამ რა შთაბეჭდილება დატოვა თქვენზე?
- ძალიან თბილად დამხვდნენ. გუნდში ბიჭებს უკვე დავუმეგობრდი. დანარჩენს მომავალი გვიჩვენებს. ჩანს, რომ "სასკოში" ჩემი იმედი აქვთ და უნდა გავამართლო.

* * *
...როგორც შევიტყვეთ, სეზონის დასრულების შემდეგ "სასკო" სომხეთში მიემგზავრება ამხანაგური მატჩების ჩასატარებლად და სხვებთან ერთად ამ ტურნეში ნიკიტა იგუმენოვიც მიიღებს მონაწილეობას.

(იბეჭდება მცირე ცვლილებით)
ყოველდღიური სპორტული გაზეთი "ლელო"
მკითხველის კომენტარები / 8 /
gio, ჰოდა კარგი კაცი თუა და კარგი ჟურნალისტის იმიჯი თუ უნდა რომ ჰქონდეს, ასეთ სტატიებს არ უნდა წერდეს, ვიღაც საეჭვო მენეჯერის მიერ ჩამოყვანილ საეჭვო მომავლის ფეხბურთელზე, რომელიც უმაღლეს ლიგაშიც კი არ თამაშობს!
მარაზმია!
Raul
28 ნოემბერი 2014 11:40
0
მე ვიცნობ ალეკოს. არ დავწერ ჩემს ვინაობას იმიტო რო შეიძლება დამკარგოს. არავის შეკვეთას ის არასდროს არ შეასრულებს. მაგას რო თავის პრინციპებიდან გადაეხვია დღეს სხვანაირი ცხოვრება ექნებოდა. ვინ რა იცის აქ რო იწერება რო ერთი შეკვეთა შეასრულაო. ჩამოდით და იკითხეთ ზესტაფონში როგორ გვიყვარს ის და ვინ არი ჩვენთვის. ულამაზესი სულის კაცი. ჩვენი ქალაქის ერთ-ერტი მაგარი ბურჯი. და ქეცბაიაზე რა უნდა დაეწერა კაი? ფარერებმა რო გაგვისწრო ის?
gio
27 ნოემბერი 2014 20:41
0
ერთი
jona lomu
27 ნოემბერი 2014 20:38
0
Raul-ს. დაცვით არა, მაგრამ სულ ვაკრიტიკებდი ამ კაცს ტენდენციური პასკვილების გამო. განსაკუთრებით მაშინ, როც ქეცბაია იყო ნაკრების მწვრთნელი. ერთი მისია შეასრულა. ახლა ეტყობა რომ ახალი შეკვეთა მიიღო და იმუშავებს ამ საკითხებზე. აბსოლიტურად უინტერესო და არაფრის მთქმელი სტატია. ვის რაში აინტერესებს ვინმე, ყველასათვის უცნობი უკრაინელი ფეხბურთელის შესახებ ინფორმაცია. აი ირაკლი ხვედელიანი კი სხვა "საქმეა"
აკო
27 ნოემბერი 2014 18:30
0
სულ კაკაურიძეს ვიცავ, მაგრამ ახლა რომ არ ითქვას არ შეიძლება - ეს სტატია ფხიზელზეა დაწერილი? უკრაინიდან რომ ადამიანი აქ ჩამოვა და ტრამპლინიაო იტყვის, ან მაგრად დააბოლეს და ან თვითონაა დაბოლილი. ჰოდა კიდევ, ირაკლი ხვედელიანი რომ ეყოლება მენეჯერად:)))
სირცხვილია! ყველაფრის დაწერა და ფორუმ.გე-ს ნაცნობობით გადაწყვეტა არ შეიძლება!
დიდი მინუსი ამ სტატიისათვის!
Raul
27 ნოემბერი 2014 17:18
0
ამ დაქცეულში თუ ვინმე ჩამოდის, არ უნდა დაიწეროს? შენ რას აკეთებ ქართული ფეხბურთისთვის? რა იცი, ვინაა ეს ბიჭი ან ჟურნალკისტს რატო სვამ ბრჭყალებში
zveli-s
27 ნოემბერი 2014 17:09
0
ეტყობა ფულიანი კაცის შვილია და ფული კიდევ ძალიან უყვართ ქართველ "აგენტებს". ამის გარეშე საქართველოში ფეხბურთი არ განვითარდებოდა, ეს ერთიღა აკლდა და ისიც მოიყვანეს. "ჟურნალისტო' დაანებე თავი ასეთი უსახური სტატიების წერას.
ZVELI
27 ნოემბერი 2014 16:58
0
სასტავი გარბის აქედან და ეს კიდევ აქ ჩამოვიდა :დ
davita
27 ნოემბერი 2014 15:54
0

სიახლეები პოპულარული