საჩხერის "ჩიხურა" საქართველოს ჩემპიონატის საგაზაფხულო ეტაპს საგრძნობლად სახეშეცვლილი ნახევარდაცვით დაიწყებს.გუნდის ფორმას მოირგებენ "ზესტაფონის ექსნახევარმცველები - ლევან შარიქაძე და მიხეილ სარდალიშვილი, აგრეთვე, ბოლნისის "სიონის" ყოფილი საყრდენი შუახაზელი გიორგი განუგრავა.
ეს ამბები "ჩიხურას" მთავარმა მწვრთნელმა სოსო ფრუიძემ გაგვიმხილა:
"მეორე წრისთვის გაძლიერება რომ გვსურდა, ეს ადრეც გითხარით. მოლაპარაკება რამდენიმე მოთამაშესთან გვქონდა.
საბოლოოდ, შეთანხმებამდე მივედით "ზესტაფონის" ფეხბურთელებთან - შარიქაძესთან, სარდალიშვილთან და "სიონის" ყოფილ ნახევარმცველ გიორგი განუგრავასთან.
ჩემი აზრით, მათ "ჩიხურას" გაძლიერება შეუძლიათ. კონტრაქტი რამდენიმე დღეში გაფორმდება და ისინი ოფიციალურად გახდებიან "ჩიხურას" მოთამაშეები", -
მისივე თქმით, ჯერ გუნდიდან არავინ წასულა, თუმცა, შესაძლოა, კლუბი რამდენიმე ფეხბურთელს დაემშვიდობოს. გუნდი მეორე ეტაპისთვის მზადებას 8 იანვრიდან, საჩხერეში შეუდგება.
ყოველდღიური სპორტული გაზეთი "ლელო"
![ეროვნული ლიგა. პლეი-ოფი: "ჩიხურა" - "სამგურალი" [LIVE]](/pictures/image7/b4ac186e1247666d7572617c9f69ff0d.png "ეროვნული ლიგა. პლეი-ოფი: \"ჩიხურა\" - \"სამგურალი\" [LIVE]")
![ეროვნული ლიგა. XVII ტური. "ჩიხურა"-"დინამო თბ" [LIVE]](/pictures/image7/da8c182e3f407849c211da5d84d786fe.png "ეროვნული ლიგა. XVII ტური. \"ჩიხურა\"-\"დინამო თბ\" [LIVE]")
!["ჩიხურამ" ძალიან ლამაზი გოლითა და მეკარის სასწაული "სეივებით" მოიგო [VIDEO]](/pictures/image7/aba734b36cfacd63a8c82ff50e08ecfd.png "\"ჩიხურამ\" ძალიან ლამაზი გოლითა და მეკარის სასწაული \"სეივებით\" მოიგო [VIDEO]")
