ოდესის "ჩერნომორეცის" მუზეუმში სამუდამოდ დაიდებს ბინას თურქეთის ქალაქ სიდეში გადაღებული ფოტოსურათი, სადაც უკრაინულ გუნდთან ერთად მარტვილის "მერანის" ფეხბურთელებიც დგანან.სამახსოვრო ერთობლივი ფოტოსურათი ქართულ-უკრაინულმა გუნდებმა 7 თებერვალს, თურქულ შეკრებაზე ერთმანეთში გასამართი საკონტროლო მატჩის დაწყებამდე გადაიღეს.
"ერთობლივი ფოტოს გადაღების ინიციატივით ოდესელთა სამწვრთნელო შტაბს ქართველებმა მიმართეს:
"ამ ნაბიჯით გვინდა, მხარდაჭერა გამოგიცხადოთ თქვენ და სრულიად უკრაინას და ყველას დავანახვოთ, რომ საქართველო ყოველთვის იქნება მისი მეგობარი".
ქართველების ინიციატივას "ჩერნომორეცში" აღტაცებით შეხვდნენ", - წერს "ჩერნომორეცის" ოფიციალური საიტი.
რაც შეეხება უშუალოდ თამაშს, ის ოდესელებმა მინიმალური ანგარიშით მოიგეს.
