31 ივლისს, საქართველოს ჩემპიონმა გორის "დილამ" საკუთარ სტადიონზე ამხანაგურ მატჩში ბოლნისის "სიონს" უმასპინძლა და მეტოქე ანგარიშით 3:0 დაამარცხა."დილას" ოფიციალური საიტის ცნობით, შეხვედრა მთლიანად უჩა სოსიაშვილის გუნდის უპირატესობით წარიმართა და ეს ანგარიშშიც აისახა. გორელებმა ანგარიში მე-14 წუთზე, ლექსო კვახაძის გოლით გახსნეს, მეორე ტაიმში კი ჯერ ირაკლი მოდებაძემ (69) გამოიყენა თავისი შანსი, მატჩის მიწურულს კი გუგა ფალავანდიშვილმა (85) დაახლოებით 30 მეტრიდან ულამაზესი გოლით წერტილი დასვა - 3:0.
"დილამ" "სიონთან" ამ შემადგენლობით ითამაშა: შევჩენკო, კვირკველია, კვახაძე (კაპ.), პაპავა, ნავალოვსკი, ხურცილავა, ფალავანდიშვილი, ძარია,
უმაღლესი ლიგის 2015/16 წლების სეზონისთვის მზადების ფარგლებში "დილა" მორიგ სპარინგ-მატჩს პირველი ლიგის "ალგეთთან" 1-ელ აგვისტოს, თენგიზ ბურჯანაძის სახელობის სტადიონზე გამართავს.
!["სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]](/pictures/image7/bb30fbdcce74fb9d4782eb2bd171d15d.png "\"სანამ კინი \"ტორპედოს\" მწვრთნელია, \"ჯუნგლები\" ტრიბუნას ვტოვებთ\" - \"ტორპედოს\" ფანების განცხადება [PHOTO]")
