საქართველოს ჩემპიონატის უმაღლესი ლიგის VIII ტურის მატჩი "საბურთალოსა" და "საპოვნელას" შორის, 17 ოქტომბრის ნაცვლად ერთი დღით ადრე, 16 ოქტომბერს გაიმართება.საქმე ისაა, რომ გია ჭიაბრიშვილის გუნდი უეფას ახალგაზრდული ლიგის საპასუხო მატჩისთვის ემზადება. "საბურთალოს" მეტოქეა დანიური "მიდტიულანდი", რომელთანაც პირველი მატჩი სტუმრად 1:3 დათმო.
საპასუხო მატჩი თბილისში 21 ოქტომბერს გაიმართება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
