თბილისის "დინამოსა" და საქართველოს ეროვნული ნაკრების ყოფილი თავდამსხმელი ნიკოლოზ გელაშვილი კარიერას გორის "დილაში" გააგრძელებს. ამის შესახებ გორის კლუბის პრესსამსახური იუწყება, რომლის ცნობით, 31 წლის ფეხბურთელმა "დილასთან" კონტრაქტი უკვე გააფორმა. ხელშეკრულების დეტალების შესახებ კლუბის პრესსამსახური არაფერს იტყობინება.
გელაშვილის ანგარიშზე ეროვნულ ნაკრებში ჩატარებული 31 მატჩი და 1 გოლია. სხვადასხვა დროს მას "ზესტაფონში", "ბოხუმში", "ყარაბაღში", "ფლამურტარსა" და "პაფოსში" უთამაშია, ბოლოს კი თბილისის "დინამოს" ღირსებას იცავდა.
მანამდე ვრცელდებოდა ინფორმაცია, რომ გელაშვილის გადაბირებით "სამტრედია" და ქუთაისის "ტორპედო" იყვნენ დაინტერესებულნი.
![ეროვნული ლიგა. XXXI ტური. "დინამო" (თბ) - "იბერია 1999" [LIVE]](/pictures/image7/aef15f7bac811eb195df8fa9d10b2093.jpg "ეროვნული ლიგა. XXXI ტური. \"დინამო\" (თბ) - \"იბერია 1999\" [LIVE]")
![ეროვნული ლიგა. XXX ტური. "ტორპედო" - "დინამო" (თბ) [LIVE]](/pictures/image7/97a6fdd8fa390a9dda791a78e5b655eb.jpg "ეროვნული ლიგა. XXX ტური. \"ტორპედო\" - \"დინამო\" (თბ) [LIVE]")
