23 თებერვალს გამართული ევრო 2016-ის შესარჩევი ეტაპის წილისყრის დროს, საფრანგეთში, ნიცაში მყოფ საქართველოს ნაკრების მთავარ მწვრთნელ თემურ ქეცბაიას "სოვეტსკი სპორტის" კორესპონდენტი გამოელაპარაკა, რომელმაც ბუნებრივია, კითხვა რუსეთში მოთამაშე ჯანო ანანიძესა და ალექსანდრე ამისულაშვილზე დაუსვა. შეგახსენებთ, ალეკომ საქართველოს ნაკრების მთავარ მწვრთნელთან კონფლიქტური ვითარების გამო ეროვნულ გუნდში თამაშზე უარი თქვა.
იხილეთ: ალეკო ამისულაშვილი თემურ ქეცბაიაზე: ასეთ კაცთან ვეღარ ვიმუშავებ
ქეცბაიასთან ინტერვიუ წილისყრის დაწყებამდეა ჩაწერილი.
- ვის ისურვებდით მეტოქეებად?
- არავის განაწყენება არ მინდა. ყველა ნაკრებს აქვს თავისი ძლიერი მხარე. უფრო ის მაღელვებს, რომელი
- თუ ისურვებდით მეტოქედ ყოფილი საბჭოთა კავშირიდან რომელიმეს?
- თუკი რუსეთი, უკრაინა შეგვხვდება, პრობლემა არაა, ვითამაშებთ.
- ალბათ, გახარებთ ჯანოს ამბავი...
- რა თქმა უნდა, მახარებს. კარგია, როდესაც ქართველ ფეხბურთელებს თავიანთ კლუბებში სათამაშო პრაქტიკა აქვთ. ჯერ ისედაც გვიჭირს დიდ ნაკრებებთან მეტოქეობა და როდესაც ჩვენი ფეხბურთელები უთამაშებლები არიან, ვითარება ორმაგად მძიმდება.
- "კრილია სოვეტოვის" მცველ ამისულაშვილთან დაკავშირებით რა ვითარებაა?
- ის ნაკრებში არ იქნება. ამისულაშვილმა თქვა, სურს მთელი ყურადღება თავისი კლუბის საქმეებს დაუთმოს. მე, როგორც ნაკრების მწვრთნელს, მსურს, მან ერთი-ორი წელი კიდევ ითამაშოს ეროვნულ გუნდში, მაგრამ ალექსანდრემ ასე ისურვა და მის გადაწყვეტილებას სამწვრთნელო შტაბი უნდა დაეთანხმოს.
ასევე იხილეთ:
თემურ ქეცბაია: ყველანაირად ვეცდებით, მესამე ადგილისთვის ვიბრძოლოთ
მარადიული იმედი და სიკვდილის ჯგუფი - ევრო 2016-ის წილისყრა
