8 დეკემბერს სანდო წყაროსგან შევიტყვეთ, რომ საქართველოს ფეხბურთის ფედერაციის ხელმძღვანელობასა და კახა ცხადაძეს შორის კონსულტაცია გაიმართა. სამწუხაროდ, ბევრი მცდელობის მიუხედავად, ფედერაციის მაღალჩინოსნებთან ამ ინფორმაციის გადამოწმება ვერ მოხერხდა.
თუმცა კონტაქტი ნამდვილად შედგა. ეს არ იყო მოლაპარაკება, რომელსაც გუშინვე უნდა მოეტანა შედეგი და ამის მოლოდინი, ალბათ, არც მხარეებს ჰქონდათ.
მართებული იქნება, ვთქვათ, რომ ეს იყო მოთელვა უფრო არსებითი მოლაპარაკების წინ, რადგან დღესდღეობით, საკითხი ჯერ გადაწყვეტილი არ არის.
ამ ეტაპზე კი მხოლოდ ის შეგვიძლია გითხრათ, რომ ცხადაძე საქართველოს ნაკრების მწვრთნელობის მთავარი კანდიდატია.
ყოველდღიური
