25 დეკემბერს, საქართველოს ეროვნული საფეხბურთო ნაკრების მთავარ მწვრთნელად კახა ცხადაძე დაინიშნა, რომელიც ამ თანამდებობაზე საქართველოს ფეხბურთის ფედერაციის პრეზიდენტმა ზვიად სიჭინავამ წლის შემაჯამებელ ღონისძიებაზე წარადგინა. ცხადაძემ, რომელიც პარალელურად ბაქოს "ინტერის" მთავარ მწვრთნელად გააგრძელებს მუშაობას, საქართველოს ნაკრებთან კონტრაქტი 2017 წლის ბოლომდე გააფორმა.
როგორც ცხადაძემ ჟურნალისტებს განუცხადა, მწვრთნელისთვის ყველაზე დიდი თანამდებობა ეროვნულ ნაკრებში მუშაობაა.
"პირველ რიგში, საქართველოს ნაკრებს ვუხელმძღვანელებ იმის გამო, რომ ნებისმიერი მწვრთნელისთვის ყველაზე დიდი მიღწევა ეროვნულ გუნდში მუშაობაა.
ვეცდები, რომ საქართველოს ნაკრებთან ერთად წარმატებას მივაღწიო, მოვუტანო შედეგი და გავახარო ქართველი გულშემატკივარი.
მისივე თქმით, ის გუნდში გამოიძახებს ყველა იმ ფეხბურთელს, მიუხედავად ასაკისა და გამოცდილებისა, რომელიც მზად არის ნაკრებში სათამაშოდ.
ცხადაძემ სრული მზადყოფნა გამოთქვა ჟურნალისტებთან მუშაობის მიმართულებითაც.
ასევე იხილეთ:
საქართველოს ეროვნული ნაკრების მთავარ მწვრთნელად კახა ცხადაძე დაინიშნა
