სად გააგრძელებს კარიერას საქართველოს ეროვნული ნაკრების მეკარე გიორგი ლორია? ეს საკითხი ჯერ ღიადაა - 29 წლის კარის დარაჯმა უკვე დატოვა ფინანსურ კრიზისში ჩაძირული ოფი და ახალი გუნდის ძიებაშია.ლორიას გადაბირება სხვა ბერძნულ კლუბს, გაცილებით სახელოვან პაოკ-ს სურდა, თუმცა ამ კლუბის ტექნიკურმა დირექტორმა ცისის ვრიზასმა თანამდებობა დატოვა და მოლაპარაკების პროცესი შეჩერდა. ახლა პაოკ-ში ახალი ტექნიკური დირექტორის დანიშვნას ელიან, რის შემდეგაც, შესაძლოა, ტრანსფერის თაობაზე მსჯელობა განახლდეს.
ამასობაში, შევიტყვეთ, რომ გერმანიასთან თბილისური მატჩისას ლორიაზე დასაკვირვებლად რამდენიმე სოლიდური კლუბის მენეჯერი ჩამოვა.
(იბეჭდება მცირე ცვლილებით)
