გერმანიის საფეხბურთო კავშირის ოფიციალური საიტის ცნობით, 29 მარტს "დინამო არენაზე" მსოფლიოს ჩემპიონ გერმანიას დაახლოებით ათასი გერმანელი ფანი უგულშემატკივრებს. ფრანკფურტიდან 3 000 კილომეტრის მანძილზე თბილისში წამსვლელ ფანებს "კოკა კოლა" მეოხობს, რომელიც გერმანიის ნაკრების ფან-კლუბის სპონსორია.
იმავე სტატიაში მოთხრობილია ბორის პაიჭაძის სახელობის "დინამო არენაზე" და თბილისზე. გერმანელები წერენ, რომ სტადიონზე დასწრების რეკორდი აღარ დამყარდება, რადგან სტადიონი ახლა მხოლოდ 54 549 კაცს იტევს, "ლივერპულთან" თამაშში კი 1979 წელს 110 ათასი გულშემატკივარი მივიდა.
გერმანიის საფეხბურთო კავშირის საიტი თბილისზე აღფრთოვანებით წერს:
"რომ არა ფეხბურთი, თბილისში
საიტზე ჩამოთვლილია თბილისის სხვა სიკეთეებიც, რომელთა ნახვა ღირს გერმანელი ფანებისთვის: თბილისის ანძა, მთაწმინდის პარკი, შარდენის ქუჩა, აბანოები, ჯანაშიას სახელობის მუზეუმი, პურის სახლი, ერეკლე II-ის მოედანი და რუსთაველის გამზირი. ფანებს ურჩევენ მეტროთი გადაადგილებას ქალაქში.
"ადგილობრივი მოსახლეობა მეგობრულად განწყობილია უცხოელებისადმი და მათმა დიდმა ნაწილმა იცის ინგლისური", - ვკითხულობთ სტატიაში.
