საქართველოს ეროვნული ნაკრების მთავარი მწვრთნელი კახა ცხადაძე უახლოეს მომავალში (სავარაუდოდ, 30 ივნისს) ქვეყნის სხვადასხვა ასაკობრივი ნაკრების მწვრთნელებს შეხვდება.ამ შეხვედრისას ერთი მნიშვნელოვანი საკითხი დაისმება - საქართველოს ყველა ასაკობრივმა ნაკრებმა უნდა გამოიყენოს ის 2-3 ტაქტიკური სქემა, რომელსაც ეროვნული გუნდი იყენებს ამხანაგური თუ ოფიციალური მატჩებისას.
ამაში უცნაური არაფერია - ევროპის ბევრ ქვეყანაში სწორედ ასეა აწყობილი საფეხბურთო პირამიდა.
არის კიდევ ერთი სიახლე - ცხადაძე აპირებს, კვირაში ერთხელ შეკრიბოს და ავარჯიშოს ეროვნულ ჩემპიონატში მოასპარეზე გამორჩეული ფეხბურთელები. ესეც, ვფიქრობთ, უდავოდ მისასალმებელი ფაქტია.
ეროვნული გუნდის თავკაცს
საკითხს მეორე მხრიდანაც შევხედოთ - ეს აუცილებლად იქნება დიდი სტიმული ჩვენს პირველობაზე მოთამაშე ფეხბურთელებისთვის.
გეხსომებათ, თავის დროზე, საქართველოს ნაკრების არგენტინელ მწვრთნელ ექტორ კუპერს ჰქონდა ეს ნოვაცია და ეს იყო ლამის ერთადერთი დადებითი რამ, რაც მისი ქართული მოღვაწეობიდან გვახსოვს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
