საქართველოს ნაკრების მთავარმა მწვრთნელმა ვლადიმირ ვაისმა მოლდოვასთან (1:1) მუნდიალი 2018-ის შესარჩევი ეტაპის მატჩის შემდეგ კომენტარი გააკეთა.- საქართველოს ნაკრებმა ვერც მოლდოვასთან საშინაო მატჩში მოიგო [VIDEO]
"მხოლოდ 2-3 ფეხბურთელმა შეასრულა ჩემი დავალებები, დანარჩენებმა ეს ვერ გააკეთეს. მადლობა გულშემატკივრებს, რომ მოვიდნენ სტადიონზე. სამწუხაროა, რომ ვერ მოვიგეთ. ქვილითაიას, რომ შეესრულებინა თავისი დავალება არ იქნებოდა ურიგო.
მინდოდა ნახევარდაცვის ხაზის გაძლიერება, სადაც კონტრშეტევები გვეპარებოდა.
დაუშვილმა ყვითელი მიიღო და მეშინოდა არ გაეძევებინათ. მინდოდა მაგის მაგივრად კანკავა შემომეყვანა. შეცვლებზე მე ვიღებ პასუხისმგებლობას. ძალიან ცუდად ვთამაშობთ მეორე სართულზე
მოლოდინი ყველას დიდი გვქონდა, შეგვიძლია ამ საღამოს კოშმარი ვუწოდოთ. შეცდომები გვქონდა ბურთის ამოტანაზე, მეორე სართულზე ბრძოლის დროს და ბურთის ართმევაზე.
ყველანი იმედგაცრუებულები ვართ, შესაძლოა ასეთი საღამო აღარ განმეორდეს. არ გვყავდა მოედანზე ფეხბურთელი, რომელიც საკუთარ თავზე აიღებდა თამაშს, როგორც ეს ოქრიაშვილმა უელსთან გააკეთა, თუმცა ამ მატჩი მან ეს ვერ მოახერხა.
დღეს ყველა არის დამნაშავე, რომ ვერ მოვიგეთ", - განაცხადა ვაისმა.
![საქართველოს ნაკრებს შეკრებაზე კიდევ 6 ფეხბურთელი შეუერთდა [VIDEO]](/pictures/image7/def8d33a16bb4e2f0a084a4f93c881ca.jpg "საქართველოს ნაკრებს შეკრებაზე კიდევ 6 ფეხბურთელი შეუერთდა [VIDEO]")
![ზურიკო დავითაშვილი: მშვიდად ვართ, ნერვიულობა ნაკლებია - ევროპის ჩემპიონატზე მხოლოდ მონაწილეობის მისაღებად არ მივემგზავრებით [VIDEO]](/pictures/image7/692651026d604146b7fcf58ade0e633e.jpg "ზურიკო დავითაშვილი: მშვიდად ვართ, ნერვიულობა ნაკლებია - ევროპის ჩემპიონატზე მხოლოდ მონაწილეობის მისაღებად არ მივემგზავრებით [VIDEO]")
