15 თებერვალს ფუტსალის ასოციაციას ახალი პრეზიდენტი ეყოლება. ასოციაციაში პრეზიდენტობის პირველი და, ჯერჯერობით, ერთადერთი კანდიდატის განცხადებაა შესული - თბილისის ფუტსალის ასოციაციამ თბილისის "დინამოსა" და საქართველოს ეროვნული ნაკრების ყოფილი მცველი, 34 წლის ოთარ ხიზანეიშვილი წარადგინა. კანდიდატების დარეგისტრირება დღეს, 5 თებერვალს მთავრდება.
რატომ გადაწყვიტა ხიზანეიშვილმა, რომელიც მთელი ცხოვრება კლასიკურ ფეხბურთს თამაშობდა, მის ნათესავ ფუტსალში მისვლა? სწორედ ამ თემას ეხება ჩვენი ინტერვიუ...
- ფუტსალის ასოციაციაში მისვლა რატომ გადაწყვიტეთ?
- კარგად ვიცი, ფუტსალში და თავად ასოციაციაშიც რა მძიმე მდგომარეობაა. ამ დროს, საქართველოში მას საკმაოდ დიდი
- საერთოდ, აქამდე ამ სახეობასთან რამე კავშირი გქონდათ?
- კავშირი რომ არ მქონოდა, ამ ნაბიჯს არც გადავდგამდი. მარტო ის არ არის საქმე, ფუტსალის თამაში რომ მიყვარს. ეს სფერო ყოველთვის მაინტერესებდა და საზღვარგარეთ ყოფნისას კარგად ვხედავდი, თუ როგორ შეიძლებოდა მისი შეფუთვა და ხალხამდე მიტანა, დარბაზების გავსება და გულშემატკივრების დაინტერესება.
ყოველთვის ვინტერესდებოდი ჩვენი ეროვნული ნაკრებისა და ევროთასებზე გასული საქართველოს ჩემპიონი გუნდების თამაშებით. ამას გარდა, ეროვნული ნაკრების წევრებთან ვმეგობრობ და ვიცი, ამ სახეობაში რაც ხდება. ამ ყველაფრიდან დასკვნა გამოვიტანე - სათანადო მუშაობისა და ხელშეწყობის პირობებში, საქართველოში ფუტსალს ძალიან კარგი მომავალი ექნება. ამისთვის მუშაობა კი ნამდვილად ღირს.
- პრიორიტეტულად რა პრობლემის მოგვარება წარმოგიდგენიათ?
- ყველაფერს რომ თავი დავანებოთ, ეროვნული ჩემპიონატი დაიწყო, მაგრამ ვეღარ გრძელდება. ამ და სხვა პრობლემების მოგვარებაზე მე და ჩემი გუნდი ვმუშაობთ და სამოქმედო გეგმას უახლოეს პერიოდში წარვადგენთ.
- ჩემი გუნდიო, თქვით. ვინ არიან ამ გუნდში?
- გუნდსაც მალე დავასახელებ. არიან ადამიანები, რომლებიც ამ სფეროს კარგად იცნობენ და სათანადო ცოდნასთან ერთად, გამოცდილებაც აქვთ. აუცილებლად შევხვდები იმ ხალხს, ვინც ფუტსალს პროფესიულად, წესიერად ემსახურებოდა და ემსახურება. დარწმუნებული ვარ, ერთსულოვნებითა და გულიანი მუშაობით ქართულ ფუტსალს ფეხზე დავაყენებთ.
- საამისოდ, სერიოზული სახსრები დაგჭირდებათ. როგორ და საიდან აპირებთ თანხების მოზიდვას?
- სამწუხაროდ, დღეს ქართულ ფუტსალში ფული თითქმის არ არის, მაგრამ არჩევნებში მონაწილეობას რომ დავთანხმდი, ჩემს გუნდთან ერთად ამ პრობლემის მოგვარებაზეც ვიფიქრე. მაქვს კონკრეტული გეგმა, თუ როგორ შეიძლება ფუტსალით სპონსორების დაინტერესება.
(იბეჭდება მცირე ცვლილებით)
ყოველდღიური სპორტული გაზეთი "ლელო"
ლატარ სიმართლეს ჩახედე თვალებში. ძმაკაცობით, შინაურობით და ნათესაობით ნუ უყურებ საკითხს, თრემ მასეთმა მიდგომებმა დაღუპა ეს ქვეყანა