ფუტსალი: იმე­დი­ა­ნი პრე­ზენ­ტა­ცია "მო­ხა­ლი­სე­ში"

სა­ქარ­თ­ვე­ლოს ფეხ­ბურ­თის ფე­დე­რა­ცი­ი­სა და სპორ­ტულ სა­ა­გენ­ტო SBM-ს შო­რის 2016 წლის 10 თე­ბერ­ვალს გა­ფორ­მე­ბუ­ლი ურ­თი­ერ­თ­თა­ნამ­შ­რომ­ლო­ბის მე­მო­რან­დუ­მი წარ­მა­ტე­ბუ­ლი გა­მოდ­გა - ეროვ­ნუ­ლი ჩემ­პი­ო­ნა­ტი წარ­მა­ტე­ბით ჩა­ტარ­და. სწო­რედ ამის გა­მო თა­ნამ­შ­რომ­ლო­ბა გაგ­რ­ძელ­და და წლე­ვან­დე­ლი ჩემ­პი­ო­ნა­ტიც ერ­თობ­ლი­ვი ორ­გა­ნი­ზე­ბით გა­ი­მარ­თე­ბა.

3 ნოემბერს ოლიმ­პი­ურ კომ­პ­ლექს "ახა­ლი თბი­ლი­სის" სას­ტუმ­რო "მო­ხა­ლი­სე­ში" პრე­ზენ­ტა­ცია გა­ი­მარ­თა: სფფ-ისა და SBM-ის ორ­გა­ნი­ზე­ბით 2016/17 წლე­ბის სე­ზო­ნის ფუტ­სა­ლის ლი­გის პრე­ზენ­ტა­ცი­ა­ზე გუნ­დე­ბი წა­რად­გი­ნეს და ჩემ­პი­ო­ნა­ტის წი­ლის­ყ­რა შედ­გა. მას სფფ-ის პრე­ზი­დენ­ტი ლე­ვან კო­ბი­აშ­ვი­ლი, გე­ნე­რა­ლუ­რი მდი­ვა­ნი და­ვით მუ­ჯი­რი და სა­ა­გენ­ტო SBM-ის დი­რექ­ტო­რი ზა­ალ ჩი­ტა­ლა­ძე ეს­წ­რე­ბოდ­ნენ.

ჩემ­პი­ო­ნა­ტი 10 ნო­ემ­ბერს, სპორ­ტის ახალ სა­სახ­ლე­ში და­იწყე­ბა და 10 გუნ­დი ორ წრედ ითა­მა­შებს. შარ­შან­დელ ვი­ცე-ჩემ­პი­ონ "თე­ლა­სის", ბრინ­ჯა­ოსპრი­ზი­ორ "თბი­ლი­სის" და მე-4 ად­გილ­ზე გა­სულ "აფხა­ზე­თის" გარ­და, ყვე­ლა დე­ბი­უ­ტან­ტია - ბიზ­ნეს­ლი­გის გა­მარ­ჯ­ვე­ბუ­ლი "ტა­ტიშ­ვი­ლის კლი­ნი­კა", "აგო­რა", "მგლე­ბი", "თბი­ლი­სი უორი­ორ­ზი", ბა­თუ­მის სა­ხელ­მ­წი­ფო უნი­ვერ­სი­ტე­ტი, ბა­თუ­მის "დი­ნა­მო" და შა­ვი ზღვის უნი­ვერ­სი­ტე­ტი (იბ­სუ).

მაგ­რამ ჩემ­პი­ო­ნა­ტე­ბის თა­მა­შებს მხო­ლოდ ახალი სპორტის სასახლე არ უმასპინძლებს - ორივე ბათუმური გუნდი საშინაო შეხვედრებს აჭარის დედაქალაქში გამართავს.

წილისყრამ პირველ ტურში გუნდები ასე დააწყვილა:

10 ნოემბერი
აგორა-ბსუ (ბთ)
სტუ/თელასი-დინამო (ბთ)
თბილისი-მგლები
აფხაზეთი-იბსუ
თბ. უორიორზი-ტატიშვილი

წრიული ეტაპის დასრულების შემდეგ ჩემპიონობისთვის საუკეთესო ოთხეული იბრძოლებს. ნახევარფინალურ, ფინალურ და მე-3 ადგილისთვის შეხვედრებში გამარჯვებული ორი მოგების შედეგად გამოვლინდება. სიახლეა საპრიზო ფონდთან დაკავშირებითაც - ფრის და მოგების შემთხვევაში, გუნდებს გაზრდილი ფულადი ბონუსები დაერიცხებათ.

"ფეხბურთის ფედერაცია ფუტსალის ხელშეწყობას აუცილებლად გააგრძელებს, რადგან ამ მიმართულებას ძალიან დიდი პოტენციალი აქვს.

სასიხარულო და მნიშვნელოვანია, რომ დედაქალაქის ფარგლებს გავცდით და რეგიონშიც გავედით. მიხარია, რომ ჩვენი და SBM-ის თანამშრომლობა წარმატებული აღმოჩნდა და იმედია, მომავალშიც ასე გაგრძელდება.

ახალი სეზონის განსაკუთრებული სიახლე ისაა, რომ ფუტსალის ლიგას სატელევიზიო პარტნიორი ეყოლება და წლევანდელი გათამაშება ტელევიზიით გაშუქდება. თანამშრომლობაზე შეთანხმებას სფფ-მ, SBM-მა და ტელეკომპანია "სილკმა" მიაღწიეს", - თქვა ლევან კობიაშვილმა.

(იბეჭდება მცირე ცვლილებით)
ყოველდღიური სპორტული გაზეთი "ლელო"