ყაზანის "რუბინი" მზადაა საქართველოს ნაკრების მცველი საბა კვირკველია მოსკოვის "ლოკომოტივს" 5 მილიონ ევროდ დაუთმოს.ქართველ მცველს ყაზანურ კლუბთან კონტრაქტი კიდევ ორი წლით აკავშირებს, დასახელებული თანხა კი პირის გასამტეხლოა, რომელიც ხელშეკრულებაშია მითითებული. როგორც ირკვევა, "რუბინი" მზადაა, "ლოკომოტივისგან" ადექვატური წინადადების შემთხვევაში, ფასის დაკლებაზეც იფიქროს, თუკი მოსკოვურ კლუბს ალექსეი მირანჩუკის ტრანსფერზე გაურიგდება. საქმე ისაა, რომ "რუბინს" "რკინიგზელთა" ნახევარმცველის შეძენა 5 მლნ ევროდ სურს, "ლოკომოტივი" კი 8 მლნ-ს ითხოვს.
როგორც "სპორტ ექსპრესი" იუწყება, ამ დროისთვის "ლოკომოტივს" ოფიციალური მიმართვა აქვს "რუბინისთვის" გაგზავნილი, სადაც კვირკველიას ტრანსფერში
შეგახსენებთ, რომ საქართველოს ნაკრების 24 წლის მცველს მიმდინარე სეზონში "რუბინის" შემადგენლობაში არცერთ ოფიციალურ მატჩში უთამაშია.
რუსეთის პრემიერლიგის სატურნირო ცხრილში "რუბინი" და "ლოკომოტივი" 23-23 ქულით მეცხრე-მეათე ადგილებს იყოფენ.
![გაგნიძემ მოსკოვის "ლოკომოტივს" ურთულესი პოზიციიდან გაუტანა [VIDEO]](/pictures/image7/f75b8452e5f15d869da866abe337447b.jpg "გაგნიძემ მოსკოვის \"ლოკომოტივს\" ურთულესი პოზიციიდან გაუტანა [VIDEO]")
