მოლდოვური "დაჩიას" ახალწვეულმა გუგა ფალავანდიშვილმა ტრანსფერთან დაკავშირებით პირველი კომენტარი Sportall.ge-სთან გააკეთა. შეგახსენებთ, რომ 23 წლის ნახევარმცველმა მოლდოვურ კლუბთან დღეს კონტრაქტი სეზონის ბოლომდე გააფორმა.
- რევიშვილმა და ფალავანდიშვილმა "დაჩიასთან" კონტრაქტები გააფორმეს
"ვარიანტები არა მხოლოდ "ეთნიკოსიდან", არამედ ლიტვის და ლატვიის ჩემპიონატის კლუბებიდანაც მქონდა. ვუნდოდი "დაჩიასაც". ვინაიდან "ეთნიკოსს" ჩემს დარეგისტრირებასთან დაკავშირებით პრობლემები შეექმნა, ალტერნატიული ვარიანტი უნდა მენახა და "დაჩია" ავირჩიე, რადგან ეს კლუბი მოლდოვის ჩემპიონატში საპრიზო ადგილებისთვის იბრძვის.
"დაჩიას" ჩემი ყიდვა სურდა, მაგრამ ჩემივე თხოვნით, კონტრაქტი ივნისამდე გაფორმდა, რის შემდეგაც "ეთნიკოსში" დავბრუნდები. აქ
ცუდი ისაა, რომ პირველი ორი ტურის გამოტოვება მოგვიწევს. საქმე იმაშია, რომ მუშაობის უფლება სახელმწიფომ უნდა დაგვრთოს და ამას ორი კვირა დასჭირდება", - გვითხრა ფალავანდიშვილმა.
![ამის უთამაშებლობა იქნება? - ნინუამ კოხტა გოლი გაიტანა [VIDEO]](/pictures/image7/4514215ef9738edf913a573c4ef60ff0.jpg "ამის უთამაშებლობა იქნება? - ნინუამ კოხტა გოლი გაიტანა [VIDEO]")
