გერმანიის თასის მეოთხედფინალში გავიდა "ბოხუმი", რომლის ღირსებასაც ორი ქართველი იცავს. ნიკოლოზ გელაშვილი ტრავმირებულია, ალექსანდრე იაშვილი კი "მიუნხენ 1860"-თან გამართულ მერვედფინალურ მატჩში სასტარტო შემადგენლობაში იყო და 81-ე წუთზე შეცვალეს. "ბოხუმმა" საკუთარ მოედანზე დამაჯერებლად, 3:0 გაიმარჯვა, იაშვილს კი საგოლე კომბინაციებში მონაწილეობა არ მიუღია.
"ვიტესი" კი ჰოლანდიის თასის მეოთხედფინალშია. არნემელებმა საშინაო მერვედფინალურ შეხვედრაში ნამდვილი კატასტროფა, 10:1 აგემეს ქვედალიგელ ადო-ს. "ვიტესის" კაპიტანმა გურამ კაშიამ მატჩი შეუცვლელად ჩაატარა, თუმცა ამ ათი გოლიდან მის ანგარიშზე ერთიც არ არის.
გიორგი ჭანტურია და ვაკო ყაზაიშვილი კი, მოგეხსენებათ, დიდი
სამხრეთ აფრიკის ჩემპიონატში "მოროკა სვოლოვსმა", რომლის ღირსებასაც გიორგი ნერგაძე იცავს, საკუთარ მოედანზე "პლატინუმ სტარსს" 2:0 სძლია.
ქართველმა მცველმა მატჩი სრულად ჩაატარა.
"მოროკა", რომელიც ქვეყნის მოქმედი ვიცე-ჩემპიონია, მიმდინარე სეზონს არცთუ სახარბიელოდ ატარებს და მხოლოდ ელიტაში დასარჩენად იბრძვის. გასავარდნ ზონას ნერგაძის გუნდი ოთხიოდე ქულით უსწრებს.
ყოველდღიური სპორტული გაზეთი "ლელო"
