რუსეთის ჩემპიონატის 29-ე ტურის მატჩში, "ალანიასა" და მოსკოვის "დინამოს" შორის, იჩხუბა ქართველმა ფეხბურთელმა გიორგი ჭანტურიამ, რომელმაც ალექსანდრ კოკორინის დარტყმას უპასუხა. ჩვენებური მსაჯმა მოედნიდან გააძევა. მატჩის შემდეგ მან რუსულ "სპორტ ექსპრესთან" ისაუბრა მომხდარ ინციდენტზე:
- რატომ გამოჩნდით "ალანიას" შემადგენლობაში მხოლოდ ბოლოსკენ?
- ასეთი იყო მწვრთნელის ხედვა. მე მიმაჩნია, რომ თავიდანვე კარგ ფორმაში ვიყავი, თუმცა, ალბათ, მწვრთნელი მიიჩნევდა, რომ სხვები უკეთ იყვნენ მომზადებულნი. მე დავამტკიცე, რომ საჭირო ვარ, მაგრამ სეზონი უკვე მთავრდება.
- დღევანდელი მატჩით კმაყოფილი ხართ?
- გააჩნია, როგორ შევხედავთ. მოვიგეთ,
- თქვენ გაძევებაზე რას იტყვით?
- ჩხუბი "დინამოს" მე-9 ნომერმა წამოიწყო. მან მორიგი უხეშობა გამოავლინა და ვეღარ მოვითმინე. არ ვარ მართალი, ემოციები უნდა ვაკონტროლო.
- შემდეგ სეზონში "ალანიაში" რჩებით?
- რომ შემეძლოს, დავრჩებოდი, აქ ძალიან თბილად მეპყრობიან გულშემატკივრები. გავხდი სასტარტო შემადგენლობის წევრი, მაგრამ აქ მე იჯარით ვარ და "ვიტესს" ვეკუთვნი. ალბათ, ჰოლანდიაში დაბრუნება მომიწევს, მაგრამ ვლადიკავკაზში გატარებულ დროს ყოველთვის თბილად გავიხსენებ.
იხილეთ ვიდეო
ასევე იხილეთ:
გიორგი ჭანტურიამ და რუსმა ფეხბურთელმა მოედანზე იჩხუბეს [VIDEO]
