"კრასნოდარის" მთავარმა მწვრთნელმა სლავოლიუბ მუსლინმა რუსულ გამოცემა "რ-სპორტთან" რუსეთის პრემიერლიგაში გამოსვლა შეაჯამა და გაამხილა, რომ შესაძლოა, კლუბი ნუკრი რევიშვილს დაემშვიდობოს."კლუბი ვლადისლავ იგნატიევმა დატოვა. შესაძლოა, მალე კიდევ რამდენიმე მოთამაშეს შეველიოთ, მათ შორის, მეკარე ნუკრი რევიშვილსაც", - თქვა მუსლინმა.
ნუკრიმ სეზონი ძირითად შემადგენლობაში დაიწყო, მაგრამ მალე მუსლინმა მისი კონკურენტი ანდრეი სინიცინი დააწინაურა და ქართველი სათადარიგოებში გადაიყვანა.
მაშინ იყო ლაპარაკი, რომ ნუკრი ხაბაროვსკის "სკა-ენერგიაში" წავიდოდა, მაგრამ იგი მაინც "კრასნოდარში" დარჩა.
რევიშვილს მომავალ სეზონში უფრო მეტი პრობლემა შეექმნება, რადგან გაისად რუსეთში ლეგიონერებზე მკაცრი
რუსეთის საფეხბურთო კავშირის გადაწყვეტილებით, 2013-14 წლების სეზონიდან ლიმიტი ყველა ასეთ მოთამაშეს შეეხება.
ასე და ამგვარად, რეალური მდგომარეობით, პრემიერლიგაში 18 უცხოელი მოთამაშე დაფიქსირდება. თითოეული მათგანი პოსტსაბჭოთა ქვეყნებს წარმოადგენს. ნუკრი რევიშვილის გარდა, მათ შორის კიდევ ორი ქართველია - სამარის "კრილია სოვეტოვის" ცენტრალური მცველი ალეკო ამისულაშვილი და ნიჟნი ნოვგოროდის "ვოლგას" მარცხენა მცველი გია გრიგალავა.
ყოველდღიური სპორტული გაზეთი "ლელო"
ასევე იხილეთ:
ფაქტია, ნუკრი რევიშვილს კარიერაში მძიმე დროება უდგას
