რუსეთის პრემიერლიგის მეორე ტურში "როსტოვმა" "კრასნოდარს" უმასპინძლა და დაუზავდა - 2:2. ჯანო ანანიძე როსტოველთა შემადგენლობაში 67-ე წუთზე გამოჩნდა. ამ დროისთვის "როსტოვი" 2:1-ს იგებდა.ყაზანის "რუბინმა" სანკტ-პეტერბურგის "ზენიტს" უმასპინძლა და 2:1 სძლია. საბა კვირკველია მასპინძელთა თადარიგში იყო.
22 ივლისს ალექსანდრე ამისულაშვილისა და გია გრიგალავას "კრილია სოვეტოვი" მოსკოვის ცსკა-ს ესტუმრება.
* * *
უკრაინის პრემიერლიგაში "ილიჩევეცმა" "დნიპროს" უმასპინძლა და 0:2 დამარცხდა.
თორნიკე ოქრიაშვილმა მარიუპოლელთა რიგებში შეუცვლელად ითამაშა, მისმა თანაგუნდელმა დავით თარგამაძემ კი მოედანზე მეორე ტაიმი გაატარა.
"დნიპროში" ჯაბა კანკავამ სრულად ითამაშა, ხოლო
* * *
დაიწყო პოლონეთის ჩემპიონატი, რომლის პირველ ტურშიც ჩემპიონმა "ლეგიამ" "ვიძევი" მიიღო და 5:1 გაანადგურა. ვლადიმერ დვალიშვილი "ლეგიას" სათადარიგოთა სკამზე იჯდა, ვიძეველი ნიკა ძალამიძე კი კვლავ ტრავმირებულია.
* * *
დანიის სუპერლიგის პირველ ტურში "ორჰუსი" შინ 0:2 დამარცხდა "მიდტიულანდთან". "ორჰუსის" შემადგენლობაში ქართველთაგან მხოლოდ დავით სხირტლაძემ ითამაშა, რომელიც მოედანზე 41-ე წუთზე შევიდა.
* * *
წარუმატებელ ასპარეზობას განაგრძობს "ინტერ ტურკუ". ირაკლი სირბილაძის გუნდი გასვლაზე "ივასკილასთან" 0:2 დამარცხდა, ქართველმა ფორვარდმა კი სრულად ითამაშა.
* * *
იტალიის სერია B-ს ბინადარმა "ემპოლიმ" საკონტროლო მატჩში 12:0 გაანადგურა ქვედალიგელი "მონტელუპო". ლევან მჭედლიძე "ემპოლის" ძირითად შემადგენლობაში გაამწესეს და 33-ე წუთზე შეცვალეს, მისი თანაგუნდელი ირაკლი შეყილაძე კი თამაშში შესვენების შემდეგ ჩაერთო და ჰეთ თრიქი შეასრულა.
* * *
ჩემპიონთა ლიგაზე თბილისის "დინამოს" მეტოქემ, ბუქარესტის "სტიაუამ", რუმინეთის ჩემპიონატის პირველ ტურში "ჩაჰლაულს" უმასპინძლა და 2:1 სძლია. "სტიაუამ" პირველი ტაიმი პოპასა და გეორგიევსკის გოლებით 2:0 მოიგო.
ლაურენტიუ რეგეკამპფის გუნდმა ამ შემადგენლობით ითამაშა: ტატარუსანუ, გარდოში, შუკალა, გეორგიევსკი, ლატოვლევიჩი, ბურჩიანუ, პინტილი (44. იანგუ), პოპა, ტანასე (61. რადუცი), სტანჩუ (46. პრეპელიტა), ნიკოლიჩი.
(იბეჭდება მცირე ცვლილებით)
ყოველდღიური სპორტული გაზეთი "ლელო"
