გია გრიგალავას მახაჭყალის "ანჟიში" წასვლამ მის ყოფილ კლუბ სამარის "კრილია სოვეტოვს" დაცვაში პრობლემები შეუქმნა.ეს "კრილიას" მთავარმა მწვრთნელმა ალექსანდრ ციკანკოვმა რუსეთის პრემიერლიგის მე-7 ტურში, კრასნოდარის "ყუბანთან" საშინაო ფრის (0:0) შემდეგ განაცხადა:
"მახაჭყალის "ანჟიში" ჩვენი ორი მცველი გადავიდა, ბენუა ანგბვა და გია გრიგალავა. ამან "ყუბანთან" მატჩის დროს სტრატეგიის შეცვლა გვაიძულა.
მათმა წასვლამ დაცვა შეასუსტა. უპირველესად, უკანა ხაზის გაძლიერებას შევეცადეთ და ეს შეტევების შესუსტების ხარჯზე მოგვიხდა".
ყოველდღიური სპორტული გაზეთი "ლელო"
