მახაჭყალის "ანჟის" ოფიციალურ ვებგვერდზე გამოქვეყნდა ინტერვიუ 24 წლის ქართველ მცველ გია გრიგალავასთან, რომელიც პრემიერლიგის საშემოდგომო ეტაპის ბოლო მატჩის შემდეგ არის ჩაწერილი. იმ შეხვედრაში აუტსაიდერი "ანჟი" "ყუბანს" დაუზავდა - 0:0.
- "ანჟის" უკვე დიდი ხანია, არ გამოსდის თამაში პრემიერლიგაში. გაქვთ ამისი ახსნა?
- ვერაფერს გეტყვით. ისეთი შთაბეჭდილება მაქვს, თითქოს ფორტუნამ ზურგი გვაქცია. ხომ ხედავთ, ბოლო წუთებზე პენალტიც ვერ გაგვაქვს, რომელსაც შეეძლო, გუნდისთვის ჩემპიონატში პირველი გამარჯვება მოეტანა.
- თუმცა გუნდის თამაშზე აუგს ვერ ვიტყვით. "ყუბანი" ცუდი გუნდი არაა, "ანჟი" კი მას სჯობდა...
- ახლა შესვენება იწყება, რომელმაც "ანჟის" სულზე მოუსწრო...
- დიახ, ვნახოთ - ამაზე უარესი მაინც არაფერი იქნება. იმედი მაქვს, რომ ყველაფერი გამოსწორდება და ჩვენც ბოლოს და ბოლოს ავთამაშდებით.
შეგახსენებთ, რომ "ანჟი" რუსეთის პრემიერლიგის სატურნირო ცხრილში 8 ქულით ბოლო ადგილზეა.
ასევე იხილეთ:
გია გრიგალავა: ერთი მოგება და ყველაფერი კარგად იქნება
