რუსეთში სატრანსფერო ფანჯარა 28 თებერვალს იხურება, თუმცა დავით თარგამაძის საიჯარო ტრანსფერი დონეცკის "შახტარიდან" ეკატერინბურგის "ურალში" ჯერ ოფიციალურად არ გაფორმებულა. რუსულ და უკრაინულ მედიაში ამ ტრანსფერს გადაწყვეტილად მიიჩნევენ, თუმცა რუსული პრემიერლიგის მაჩანჩალა კლუბის ხელმძღვანელობა ინფორმაციას არც უარყოფს და არც ადასტურებს. შეგახსენებთ, რომ თარგამაძემ სეზონის პირველი ნახევარი, ასევე იჯარით, "ილიჩევეცში" გაატარა. რაც შეეხება "ურალს", ეს გუნდი ბოლო მოსამზადებელ შეკრებაზე თურქეთში გაემგზავრა და ყველაფერი იქ გადაწყდება.
ამასთან დაკავშირებით Sports.ru:-მ გამოაქვეყნა სტატია: "ვინ არის დავით თარგამაძე", სადაც მოთხრობილია ქართველი ლეგიონერის კარიერის შესახებ.
"ბევრმა წყარომ
"რუსეთში უკეთესი ჩემპიონატია, "ურალის" სასარგებლოდ არჩევანი კი ალექსანდრ ტარხანოვის გამო გავაკეთე. მას უყვარს შემტევი, კომბინაციური ფეხბურთი", - აცხადებს ერთ-ერთ ინტერვიუში თარგამაძე.
თუკი მოლაპარაკება წარმატებით დასრულდება, დავითს შეუძლია შეცვალოს ტრანსფერზე დაყენებული ედგარ მანუჩარიანი. ქართველი "ურალის" შეტევებს დამატებით ვარიანტებს შემატებს", - წერს რუსული ინტერნეტპორტალი.
შეგახსენებთ, რომ "ურალის" წევრად ითვლება ლაშა გვალიაც, რომელსაც რუსეთში შესვლის და მუშაობის ვიზას არაფრით აძლევენ. კლუბშია საქართველოში ნათამაშები აფრიკელი ფორვარდი ჩისამბა ლუნგუც.
![Top 6 თანამედროვე ქართველი უნიჭიერესი ფეხბურთელი, რომელთა კარიერამ მოლოდინები ვერ გაამართლა [VIDEO]](/pictures/image7/aabc48c06d7f766509a8320d6baca7d1.jpg "Top 6 თანამედროვე ქართველი უნიჭიერესი ფეხბურთელი, რომელთა კარიერამ მოლოდინები ვერ გაამართლა [VIDEO]")
