ბერძნული მედიის ინფორმაციით, საქართველოს ნაკრების ექსთავკაცი თემურ ქეცბაია საბერძნეთის ნაკრების მწვრთნელობის კანდიდატთა სიაშია.თემური იმ მწვრთნელთა სიაში მოხვდა, რომლებთანაც სავარაუდო კონტრაქტზე საუბარი ჰქონდა საბერძნეთის ნაკრების რეკორდსმენსა და ახლა ნაკრების დირექტორს, გიორგოს კარაგუნისს.
კარაგუნისი ესპანეთში შეხვდა ურუგვაელ სერხიო მარკარიანსა და ესპანელ მიჩელს, საბერძნეთში - ტაკის ლემონისს და დაგეგმილია შეხვედრა გიორგიოს დონისთან.
საბერძნეთის ფეხბურთის ფედერაციის ახალ პრეზიდენტთან კარაგუნისს შემაჯამებელი შეხვედრა იმ კვირაში ექნება. ასე რომ, გადაწყვეტილების მიღებისთვის მას მცირე დრო რჩება.
ყოველდღიური სპორტული გაზეთი "ლელო"
